Toshkent viloyati Bekobod tumani hududida 29-aprel kuni soat taxminan 22:00 da kuchli yomg‘ir yog‘ishi natijasida tumanning “Navbahor” hududi, 1-bo‘lim, “Dehqonobod” mahallasi hududidan oqib o‘tuvchi Sardobsoy soyining suv oqimi keskin ko‘tarilib, o‘zanidan toshgan.
“Hodisa oqibatida jarohatlanganlar yo‘q”, — deya xabar bermoqda viloyat hokimligi axborot xizmati. Qayd etishlaricha, mazkur holat viloyat hokimi Rustam Xolmatov tomonidan nazoratga olingan.
Viloyat hokimining o‘rinbosarlari va Favqulodda vaziyatlar boshqarmasi boshlig‘i tomonidan zarar ko‘rgan aholi xonadonlariga amaliy yordam ko‘rsatish hamda oqibatlarini bartaraf etish yuzasidan tezkor choralar ko‘rilmoqda.
Hududga Favqulodda vaziyatlar boshqarmasi hamda tegishli korxona va tashkilotlarning kuch vositalari jalb qilingan. Viloyat hokimligi Bekoboddagi vaziyat yuzasdian qo‘shimcha ma’lumotlar taqdim etilishini bildirgan.
Mavzuga doir:
- Shamoldan zarar ko‘rgan Qorako‘l va Olot — Prezident vertolyotidan olingan suratlarda
- Buxoroda ko‘plab talafotlarga olib kelgan kuchli shamol paydo bo‘lishi sababi ma’lum qilindi
- Samarqandda kuchli yomg‘ir oqibatida xonadonlarni suv bosdi. FVB xodimlari talafot oqibatlarini bartaraf qildi
- Kuchli shamolning Qashqadaryodagi oqibatlari ma’lum qilindi
Izoh (0)