Bugun,

  • USD 11095.31
  • RUB 173.84
  • EUR 10772.44

Turkiya mehmonxonalarida all inclusive va shvedcha stol tizimi koronavirus pandemiyasi tugaganidan keyin ham saqlanib qoladi. Bu haqda “RIA Novosti”ga Turkiya Mehmonxona egalari federatsiyasi rahbari Surur Chorabotir ma’lum qilgan.

Foto: Getty Images

Foto: Getty Images

Xabarda aytilishicha, avvalroq mahalliy nashrlardan biri mamlakat Madaniyat va turizm vaziri Mehmet Ersoyga tayanib, Turkiya mehmonxonalari o‘z mijozlarining epidemiologik xavfsizligini qo‘shimcha ravishda ta’minlash maqsadida shvedcha stoldan voz kechishi mumkinligini ma’lum qilgan.

“All inclusive va shvedcha stolni bekor qilish haqida gap yo‘q. O‘tgan yildayoq sayyohlik agentliklari bilan joriy mavsumda aynan shu xizmatlarni sotish bo‘yicha shartnomalar tuzgan bo‘lsak, ular qanday bekor qilinishi mumkin?”, — degan Chorabatir.

Uning aytishicha, OAVlar Turkiya vazirining sanitariya choralarini kuchaytirish, ijtimoiy masofalanishni oshirish hamda ayrim xizmatlarni taqdim etish odatiy tartibini o‘zgartirish haqida borgan so‘zlarini noto‘g‘ri talqin qilgan.

Turkiyada 28-aprel holatiga ko‘ra, oxirgi bir sutka ichida koronavirus infeksiyasiga chalinganlar soni qariyb 2,4 mingtaga ko‘paydi, mamlakatda COVID-19 bilan kasallanganlarning umumiy soni 114 mingdan oshgan. Turkiyaning 30 ta shahrida 11-apreldan boshlab komendantlik soati joriy etilgan.

Izoh
Asosiy yangiliklar
Mahalliy
“Prava”ni yangisiga almashtirib beradigan onlayn xizmat faoliyatida nosozlik kuzatilmoqda
Mahalliy
O‘zbekistonda gaz zapravkalar qayta ochilishi kutilmoqda
Dunyo
Rossiya Belarusga yangi harbiy qismlar joylashtirdi — Ukraina chegara xizmati