Buxoroda Ramazon oyi munosabati bilan 1014 ta xonadonga 14 turdagi oziq-ovqat mahsulotlari tarqatildi. Bu haqda “Daryo”ga Yoshlar ittifoqi viloyat kengashi raisi Sherzod Tilavov xabar bermoqda.
Yoshlar ittifoqi tashabbusi hamda “Saxovat va ko‘mak” umumxalq harakati doirasida tarqatilayotgan oziq-ovqat mahsulotlari kam ta’minlangan, ko‘p farzandli, karantin sabab daromad manbasidan ajralgan, ishsiz, nogiron, boquvchisini yo‘qotgan va yakka-yolg‘izlarga berilgan.
“Ramazon oyida amalga oshirilayotgan ehson tadbirida ‘Yoshlar-kelajagimiz’ jamg‘armasi orqali imtiyozli kreditga ega bo‘lib, tadbirkorlik faoliyatini yo‘lga qo‘ygan 200 nafardan ortiq yosh tadbirkor beminnat yordam berdi”, — dedi Sherzod Tilavov.
Yoshlar ittifoqining 15 nafar ko‘ngilli xodimi tomonidan qadoqlanib, maxsus jihozlangan mahsulotlar 27-aprel kuni avtomobillarga ortilib, “Saxovat va ko‘mak” karvoni sifatida tumanlarga yo‘l olgan.
Qo‘shimcha qilinishicha, mingdan ortiq oilalarga oziq-ovqat mahsulotlaridan tashqari tibbiy vositalar ham tarqatilgan.
Izoh (0)