Aviatsiya sohasidagi pandemik inqiroz raqamlarda. Qancha uchuvchi ishsiz qoldi?

Koronavirus pandemiyasi barcha sohalar qatorida aviatsiya sohasiga ham jiddiy zarba berdi. Butun dunyo bo‘yicha barcha katta va kichik aviakompaniyalar pandemiya tufayli mislsiz ziyon ko‘rmoqda. Fuqaro aviatsiyasi sohasida charx urayotgan global inqiroz va turg‘unlikning yaqqol manzarasini soha mutaxassis Denis Krivosheyev o‘z blogida keltirib o‘tdi.

Raqamlar haqiqatan ham achinarli. Unda aytilishicha:

– Virgin aviakompaniyasi 3 ming nafar xodimni, xususan, 600 nafar uchuvchini ishdan bo‘shatgan;

– Finnair 12 ta samolyotni qaytarmoqda va 2 400 nafar xodimni ishdan bo‘shatgan;

– Finair esa 22 ta samolyot buyurtmasini bekor qilgan va 4 100 nafar xodimni ishdan bo‘shatgan;

– Ryanair’ning 113 samolyoti yerda qolmoqda, 900 nafar uchuvchi allaqachon ishdan bo‘shatilgan va yana 450 nafar uchuvchi bilan mehnat shartnomasi yaqin oylar ichida to‘xtatiladi;

– Norvegian Airlines o‘zining barcha olis masofaga parvozlarini to‘xtatgan va ijaraga olingan 787 samolyoti egasiga qaytarilgan;

– SAS aviakompaniyasi 14 ta samolyotni qaytarib bergan va 520 nafar uchuvchi bilan xayrlashgan;

– Etihad o‘zining 18 dona A350 samolyotiga bergan buyurtmasini bekor qilgan, 10 dona A380 va 10 dona Boeing 787 samolyotlari hozir umuman uchmayapti, 720 nafar xodim ishdan bo‘shatilgan (hozircha faqat chet ellik xodimlar bilan xayrlashilgan);

– Emirates aviakompaniyasining esa 38 ta A380 layneri yerda qolmoqda; Boeing 777x ga tarixan eng katta buyurtma deb e’tirof etilgan 150 dona samolyot buyurtmasi bekor qilindi. Yoshi 56 dan katta bo‘lgan barcha xodimlarga ixtiyoriy ravishda nafaqaga ketish taklif qilingan;

– Wizzair o‘zi ijaraga olgan 32 ta A320 samolyotini egasiga qaytargan va 1 200 nafar xodimni, jumladan, 200 ta to‘liq ekipajni ishdan bo‘shatgan. Yana 430 nafar xodimni ishdan olish borasida tayyorgarlik ketyapti. Qolgan xodimlarning ham ish haqi 30 foizga qisqartiriladi.

– Iberiya aviakompaniyasi esa 56 ta samolyotni konservatsiyaga oldi;

– British Airways 34 ta samolyotni konservatsiya qildi va 58 yoshdan katta yoshli xodimlarni nafaqaga chiqardi;

– Luxair va Bryussel aviakompaniyasi o‘z samolyot parkini 50 foizga va xodimlar soni ham shunga monand qisqartirilyapti;

– Eurowings o‘zini bankrot deb e’lon qildi;

– Lufthansa ikki bosqichda jami 72 ta samolyotni konservatsiya qilmoqchi.

– Aerobus zavodlarida buyurtmasi bekor qilingan 60 ta yangi samolyot qolib ketmoqda, prognozlarga ko‘ra, sentabrga borib uchishdan to‘xtagan samolyotlar soni 8 000 taga yetishi mumkin. Bu esa jahon bo‘ylab 90 mingta uchuvchi ishsiz qoladi demakdir. Muqobil ravishda ishsiz qoladigan bort kuzatuvchilari soni esa 400 mingta bo‘ladi.