Xitoyda 90 kun davomida turli virus va mikroblardan, xususan, COVID-19’dan himoya qilishga qodir “antivurus qoplama” yaratildi. Mazkur ixtiro Gonkong ilm-fan va texnologiyalar universiteti olimlari tomonidan taqdim etilgan, deb xabar beradi Reuters.
Ta’kidlanishicha, bu kabi qoplama sepilganida u juda yupqa qatlam hosil qilib, inson terisi bilan aloqada himoya xususiyatini faollashtiradi. Yupqa qatlam dezinfeksiyalovchi nanokapsula va issiqqa bardoshli polimerlardan iborat bo‘lib, nanokapsulalar inson tana haroratiga qarab virus va bakteriyalarni yo‘q qilishga qodir.
MAP-1 ishchi nomini olgan qoplamani muntazam foydalaniladigan har qanday yuzaga sepsa bo‘ladi, masalan, eshik ushlagichlari yoki lift tugmalariga. Universitet professori Jozef Kvanning so‘zlariga ko‘ra, ixtironing xususiyati u qurib ketganidan keyin ham saqlanib qoladi, yupqa qatlam esa teri va atrof-muhitga hech qanday zarar yetkazmaydi.
Avvalroq BAA politsiyasi koronavirusni aniqlovchi “aqlli” shlemlardan foydalanishni boshlagani haqida xabar berilgandi.
Izoh (0)