Fransiya moda sanoatining 80 dan ortiq yirik vakillari yangi xayriya aksiyasida ishtirok etadi. Harper’s Bazaar nashrining ma’lum qilishicha, #ProtegeTonSoignant tashkiloti, mahalliy tibbiyot xodimlarini qo‘llab-quvvatlash maqsadida auksion o‘tkazadi.
La Mode S’Engage deb nomlangan kimoshdi savdosining tashabbuschilari Colette va Just An Idea asoschisi Sara Andelman hamda Ami brendi bosh rahbari Nikolas Santi-Veyl hisoblanadi. Auksionda Chanel, Dior, Louis Vuitton, Celine, Balenciaga, Comme des Garçons kabi brendlar o‘z mahsulotlarini kimoshdi savdosiga qo‘yadi.
Auksionga dizaynerlarning yangi va arxivdagi mahsulotlari qo‘yilishi mumkin, asosiy shart esa #ProtegeTonSoignant’ga xos ko‘k rangda bo‘lishi kerak. Izolyatsiya sabab ishlab chiqarish imkoniyati bo‘lmagan dizaynerlar, ishlarining eskizini topshirishi mumkin.
https://www.instagram.com/p/B_c5EkDgJCJ/?utm_source=ig_embed
Auksionning boshlang‘ich narxi 100 yevro etib belgilangan bo‘lib, #ProtegeTonSoignant ishga tushganidan 5 hafta o‘tiboq, 5 million yevro yig‘ilgan. Savdolar 1-mayda boshlanadi va uch kundan so‘ng yakuniga yetadi.
Mavzuga doir:
- Jorjio Armani pandemiya moda dunyosini qay darajada o‘zgartirishi haqida ochiq xat yozdi
- Jorjio Armani pandemiya moda dunyosini qay darajada o‘zgartirishi haqida ochiq xat yozdi
- Italiya moda sanoati vakillari mamlakatda karantin muddati uzaytirilishiga qarshi chiqdi
- Ralph Lauren pandemiya vaqtida saratonga chalingan bemorlar uchun mablag‘ ajratdi
- Virusning modaga ta’siri: tibbiyot qo‘lqopi ustidan taqinchoq taqish urfga kirdi (foto)
Izoh (0)