Buxoro, Navoiy, Samarqand va Qashqadaryo viloyatlariga 28-aprelga o‘tar kechasi Turkmaniston hududidan kirib kelgan kuchli shamol yopirilib, shamolning tezligi soniyasiga 40 metrgacha yetgani xabar berilgan edi. Buning oqibatida hududlarda elektr va gaz ta’minotida uzilishlar yuzaga kelgan, ular orasida Buxoro eng katta talafot ko‘rgandi.
Mavzuga doir: Foto: Buxoroning Olot tumani — 27-aprel shamolidan keyin
Shu kuni soat 21:30 larda Buxoro shahri, X.Mushkin ko‘chasida yashovchi 1978-yilda tug‘ilgan O‘.A. uyiga kelayotgan vaqtida viloyatda kuchli shamol oqibatida yerga uzilib tushgan elektr simiga ehtiyotsizlik bilan urilishi oqibatida vafot etgan.
Mazkur holat yuzasidan shahar prokuraturasi tomonidan tergovga qadar tekshiruv harakatlari o‘tkazilmoqda.
Qorako‘l va Olot tumani bilan aloqa uzilib qolganligi sababli tegishli xizmatlardan iborat guruh shakllantirilib, hodisa joyini o‘rganish va uning oqibatlarini bartaraf etish uchun yuborilgan.
Izoh (0)