Istanbuldagi eng mashhur diqqatga sazovor maskanlardan biri bo‘lgan O‘rtakoy masjidining yaqinidan oqib o‘tuvchi suvda delfinlar paydo bo‘ldi, deb xabar beradi Daily Sabah.
Videodan ko‘rish mumkinki, delfinlar Bosfor bo‘g‘ozi qirg‘oqlarida, odatda, baliqchilar kemalari va turistlar kun-u tun sayr qiladigan hududda paydo bo‘lgan.
Dolphins play near Ortaköy Mosque, an Istanbul tourist hotspot now void of tourists and boats amid #COVID19 outbreak https://t.co/zwwGoR3V80 pic.twitter.com/Or2XAGgtu1
— Daily Sabah (@DailySabah) April 23, 2020
Shuningdek, delfinlarni Istanbulning tarixiy hududi qirg‘oqlarida, pandemiyaga qadar turfa baliqlardan taom pishiruvchi restoranlar yaqinida ham kuzatishgan.
Ta’kidlash kerakki, ko‘plab odamlar karantinda bo‘lganligi sabab hayvonlar oldinlari borishga qo‘rqqan joylariga kelishni boshlagan. Masalan, Argentinadagi Mar-del-Plata kurort shahri ko‘chalarida dengiz arslonlari paydo bo‘lgan bo‘lsa, pingvinlar bo‘shab qolgan Keyptaun ko‘chalarini o‘zlariniki qilib olgan. Gvatemala junglilariga esa yaguarlar qaytib kelgan.
Izoh (0)