Sug‘ur pitssa bo‘lagini o‘g‘irlab, uni ikki itning ko‘z o‘ngida namoyishkorona paqqos tushirdi (video)

Internetda ikki itning ko‘z o‘ngida pitssani paqqos tushirgan sug‘urning videosi ommalashdi, deb yozadi New York Post.

Video Filadelfiyada yashovchi Kristin Bagnell tomonidan ijtimoiy tarmoqlarga joylashtirilgan. U uyi hovlisida kutilmagan mitti mehmonni ko‘rib, o‘z vaqtida suratga olishni boshlagan.

Ayolning itlari Meggi va Mozes sug‘urni ko‘rib, o‘zlarini eshikka urgan. Sug‘ur bunday vaziyatda oxirigacha xotirjamlikni saqlab qolgan.

“Filadelfiya pitssasini faqat odamlar yaxshi ko‘rmaydi”, — deb izohlagan videoni Bagnell.