Uy sharoitida teri uchun qahvali skrab tayyorlaymiz

Karantin vaqti uy sharoitida yuz va teri uchun skrab tayyorlash mumkinligini bilasizmi? Yo‘q bo‘lsa, quyidagi retsept siz uchun.

Qahvali skrab – qon aylanishini yaxshilaydi, sellyulitga qarshi yaxshi vosita hisoblanadi. Shuningdek, terini yaxshi tozalab, sog‘lom va tiniq ko‘rsatadi. Ushbu skrabni bir haftada 2 yoki 3 marta ishlatish kerak.

Kerakli mahsulotlar:

• Qahva — 1 choy qoshiq
• Kakos yog‘i — 1 choy qoshiq (yoki uyingizda bor istalgan yog‘dan foydalaning)
• Vanilin — 1 choy qoshiq

Tayyorlash jarayoni:

1. Hamma mahsulotni idishga solib, sanchqi bilan aralashtiring.
2. Tayyor aralashmani banka yoki bo‘shagan krem idishiga soling.
3. Skrabni teri uchun ishlatishingiz mumkin.
4. Teriga skrabni surtib aylanma harakatlar bilan ishqalang.
5. Oradan 3—5 daqiqa o‘tib iliq suvda yuvib tashlang.
6. Yuzingizni yuvgach teriga​ krem surting.