Andijondagi FHDYo bo‘limlari 1-apreldan 24-aprelga qadar 3656 ta tug‘ilganlik holatini qayd qilgan. Eng ko‘p tug‘ilish Andijon shahri, Asaka va Shahrixon tumanlarida kuzatilgan. Bu haqda “Daryo” muxbiri xabar bermoqda.
Davlat xizmatlari agentligi Andijon viloyati boshqarmasi axborot xizmatining ma’lum qilishicha, karantin bo‘lishiga qaramasdan viloyatdagi FHDYo bo‘limlarida 25-martdan buyon navbatchilik asosida kechiktirib bo‘lmaydigan holatlardagi tug‘ilish va o‘lim haqidagi dalolatnoma yozuvlarini qayd qilish davom etmoqda.
FHDYo organlari DXA tasarrufiga o‘tkazilgan kun — 1-apreldan 24-aprelga qadar tuman va shahar FHDYo bo‘limlariga 4 442 ta murojaat kelib tushgan. Ular asosida 3656 ta holatda tug‘ilganlik hamda 786 ta o‘lim holati qayd qilingan. Eng ko‘p tug‘ilish holati Andijon shahrida — 648 ta, Asaka tumanida — 482 ta, Shahrixon tumanida — 308 tani tashkil etgan.
Bundan tashqari uzoq yillardan buyon shar’iy (norasmiy) nikoh asosida yashab kelayotgan 16 ta oilaning nikohi belgilangan tartibda qonuniylashtirilgan.
Izoh (0)