Koronavirus pandemiyasi va unga qarshi qo‘llanilgan cheklov choralari Yevropadagi ishbilarmonlik muhitini buzib yubordi, oqibatda qit’a eng yomon oyni o‘tkazgani ma’lum bo‘ldi. Bu haqda Angliyadagi IHS Markit agentligi ma’lumotiga tayanib, The Wall Street Journal xabar bergan.

Foto: Financial Times

Tadqiqot natijalariga ko‘ra, koronavirus infeksiyasiga qarshi kurash chora-tadbirlari iqtisodiyot tarmoqlariga jiddiy zarba bergan, bu yerda odamlarning uyda o‘tirgani va omma tashrif buyuradigan joylarning yopilgani (restoranlar, go‘zallik salonlari va boshqa maskanlar) asosiy omillardan.

Avvalgi jahon inqirozi vaqtida ham faollik indeksi bu qadar pastga qulamagandi. PMI bergan ko‘rsatkichlarga ko‘ra IHS Markit tuzgan ishbilarmonlik faolligi Yevropa Ittifoqi hududida aprel oyida 29,7 dan 13,5 pog‘onaga pastlagan. PMIdagi ko‘rsatkichlar 50 pog‘onadan pastlashi bu sohadagi ishbilarmonlik faolligining qulaganini, yuqorilashi esa uning o‘sganini anglatadi.

IHS Markit’ning biznes bo‘yicha bosh iqtisodchisi Kris Uilyamsonga ko‘ra, koronavirusga qarshi kurash choralari tufayli dunyoda talabning keskin tushgani, xodimlar hamda resurslar yetishmasligi Yevropa davlatlari iqtisodiga jiddiy ziyon yetkazgan.

Buyuk Britaniyada PMI 12,9 punktga (mart oyida 36,0 qator edi) qulagan va bu antirekord. Germaniyada qulash 17,1 qator bo‘lishiga erishildi (mart oyida 35,0). Fransiya eng yomon natija ko‘rsatgan — 10,4 qator (martda 27,4 edi)

Oxford Economics kompaniyasi iqtisodchisi Rozi Koltorp koronavirus tarqalishiga qarshi ko‘rilgan choralar iqtisodiyot uchun kutilganidan ham yomonroq ta’sir qilganini aytib o‘tgan.

Korxonalarnig qo‘llab-quvvatlash va yo‘qotishlarni ixchamlashtirish uchun Yevropadagi aksar davlatlarning hukumatlari koronavirus pandemiyasi sharoitida inqirozga qarshi dasturlarni ishlab chiqqan. Choralar qatoriga haq to‘lanmaydigan ta’tilgan chiqqan xodimlarga pul berish ham kiritilgan. May oyida cheklovlar bosqichma-bosqich olib tashlansa, vaziyat ijobiy tomonga o‘zgarishi kutilmoqda.

J.P. Morgan eskpertlari ikkinchi chorak yakunida Yevropa Ittifoqi hududida YaIM qulashini 45 foiz deb baholamoqda. Buyuk Britaniya iqtisodiyoti 59,3 foizga qisqaradi, Yaponiyaniki —35 foizga. Janubiy Koreyada yanvar-mart oylarida YaIM 2019-yil oktabr-dekabr oylaridagiga nisbatan 1,4 foizga past bo‘lgan.