Bugun,

  • USD 11095.31
  • RUB 173.84
  • EUR 10772.44

Xitoyning Chjeszyan universiteti olimlarining aniqlashicha, SARS-CoV-2 koronavirusi keltirib chiqaradigan COVID-19 kasalligi patogenning shtammiga qarab kasallik og‘irroq yoki osonroq kechishi mumkin. Ularning tadqiqot natijalari MedRxiv portalida e’lon qilingan.

Foto: “TASS”

Foto: “TASS”

Tadqiqot doirasida ular Xanchjoudan bo‘lgan 11 nafar tasodifiy bemordan namunalar olib, koronavirus mutatsiyasini o‘rgangan. O‘rganish jarayonida ular turli shtammlarning inson hujayralariga qanchalik tez kirib borishi va ularni nobud qilishi mumkinligini aniqlagan.

Natijada, kasallik qo‘zg‘atuvchi tajovuzkor shtammlar mavjudligi tasdiqlandi, ularning virus yuki eng zaif shtammlarga qaraganda 270 baravargacha yuqori bo‘lishi mumkin.

Shu bilan birga, olimlar koronavirusning zaifroq mutatsiyalari ular keltirib chiqaradigan kasallikdan o‘lim xavfi darajasini kamaytirmasligidan ogohlantirgan.

Olimlarning qayd etishicha, sinovda ishtirok etgan bemorlarda topilgan koronavirusning eng agressiv shtammlari Italiya va Ispaniyadagi bemorlarda ham aniqlangan. Eng zaif, lekin keng tarqalgan shtamm esa AQShdagi bemorlarda qayd etilgan.

Avvalroq Pekin universiteti olimlari COVID-19 infeksiyasini keltirib chiqaradigan koronavirus butun dunyo bo‘ylab tarqalish jarayonida evolyutsion o‘zgarishlarga uchraganini ma’lum qilgandi. Fransiyalik olimlar koronavirus qanday haroratda butunlay yo‘q bo‘lishini aniqlagan.

Izoh
Asosiy yangiliklar
Mahalliy
Yangiyo‘lda kanalda cho‘kib ketgan 16 yoshli bolaning jasadi bir kun o‘tib topildi  — FVV
Mahalliy
Andijonda harakatlanib ketayotgan Matiz to‘liq yonib ketdi
Kitob
“Shayton kitob timsolida hayotimga kirib kelgan va barcha narsani o‘ziniki qilib olgan edi…” “Qora kitob” asari haqida