“Milan” darvozaboni Janluiji Donnarumma mavsum yakunida “Real”ga o‘tishi mumkin.
Madridliklar klubi 21 yoshli darvozabon uchun 50 million yevro sarflashga tayyor. Bu haqida Tuttosport’ga tayanib Milan News xabar qilmoqda.
Ta’kidlanishicha, “Real” bosh murabbiyi Zinedin Zidan jamoaning hozirgi posboni Tibo Kurtuaning o‘yinidan qoniqish hosil qilmayapti va uning o‘rnini egallashi mumkin bo‘lgan boshqa variantlarni ko‘rib chiqmoqda.
Donnarumma esa “Milan” bilan shartnomani uzaytirishni istamayapti. “Milan” 2021-yilda erkin agent maqomini oladigan futbolchini sotib yuborishga rozi bo‘lishi mumkin.
Italiya terma jamoasi darvozaboniga shuningdek, PSJ va “Chelsi”dan ham qiziqish bor.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)