Hozirga qadar Homiylik xayriyalarini muvofiqlashtirish markazlariga 1197 qisqa raqami orqali 174 ming 764 ta murojaat kelib tushgan. Bu haqda 21-aprel kuni AOKA shtabida Mahalla va oilani qo‘llab-quvvatlash vazirligi axborot xizmati rahbari Saodat Boymirzayeva ishtirokida bo‘lib o‘tgan brifingda ma’lum qilindi.
Boymirzayeva brifing davomida vazirlik hamda uning hududiy boshqarmalari qoshida tashkil etilgan Homiylik xayriyalarini muvofiqlashtirish markazlari amalga oshirayotgan ishlarga ham to‘xtalib o‘tdi.
“Ko‘pchilikka ma’lumki, Homiylik xayriyalarini muvofiqlashtirish markazlari joriy yilning 1-aprel sanasidan o‘z faoliyatini boshladi. Hozirga qadar markazlarga 1197 qisqa raqami orqali 174 ming 764 ta murojaat kelib tushdi. Shundan 159 ming 113 tasi oziq-ovqat, 10 ming 631 tasi dori-darmon mahsulotlari olish, qolgani esa boshqa masalalar yuzasidan qilingan murojaatdir.
20-aprel holatiga ko‘ra, ushbu markazlar yordamida respublikadagi 199 ming 222 ta oilaga homiy tashkilot va fuqarolar tomonidan taqdim qilingan 22 milliard 986 million so‘mlik ijtimoiy yordam mahsulotlari yetkazib berildi.
Mahsulotlarni aholi xonadoniga yetkazish uchun 500 dan ortiq avtomashina jalb qilingan. Bundan tashqari 1 ming 600 nafardan ziyod ko‘ngillilar va MFY raislari ham faollik ko‘rsatmoqda. Ular, albatta, sanitar-gigiyena talablariga qat’iy rioya qilmoqda”, — dedi Saodat Boymirzayeva.
Mavzuga doir:
- Shavkat Mirziyoyev “Saxovat va ko‘mak” umumxalq harakatini yo‘lga qo‘yish tashabbusini ilgari surdi
- Karantindagi xayriya shov-shuvlari: Yetkazilgan oziq-ovqatning sifati va miqdoridan noliganlar noshukurlikda ayblandi
- “Moddiy yordamni har bir oilaning plastik kartasiga tashlab berish kerak” — O‘zbekiston moliya vaziri
- “Agarda pandemiya bo‘lmaganida biz naqd pullarni har bir xonadonga olib borgan bo‘lardik” — Jamshid Qo‘chqorov
Izoh (0)