Koreyscha baqlajonli salat retsepti

Bahor faslida ko‘pchilikda avitaminoz, ya’ni vitamin yetishmasligi sabab lohaslik, bo‘shashish va charchash kuzatiladi. Bunday vaqtda vitaminlarga boy foydali taom va salatlarni iste’​mol qilish kerak. E’tiboringizga havola etmoqchi bo‘lgan baqlajonli salat ham foydali, ham mazaliligi bilan o‘ziga xos.

Salat uchun quyidagi mahsulotlar kerak bo‘ladi:

• Baqlajon — 400 gramm
• Bulg‘or qalampiri — 150 gramm
• Sabzi — 100 gramm
• Piyoz — 80 gramm
• Ko‘​katlar
• Sarimsoq piyoz — 2-3 dona
• Kunjut — 1-2 osh qoshiq
• Qizil va qora murch — ta’bga qarab
• O‘simlik yog‘i

• Shakar — 1 choy qoshiq
• Soya— 2 osh qoshiq
• Sirka 9% — 2 osh qoshiq
• O‘simlik yog‘i — 2 osh qoshiq

1. Tovada yog‘ qizdirib somoncha shaklida to‘g‘ralgan baqlajon tillarang bo‘lgunicha qovurib so‘ngra boshqa idishga solinadi.
2. Piyoz ham tillarang bo‘lguncha qovuriladi.
3. Sabzi qirg‘ichdan chiqarib, tuzlanadi.
4. Bulg‘or qalampirining ichki qismi tozalanadi, somoncha shaklida to‘g‘raladi.
5. Qolgan sabzavotlar ham to‘g‘rab bir idishga solinadi.
6. Yuqorida sous uchun ta’kidlangan mahsulotlar qo‘shib salatga aralashtiriladi.
7. Kunjut sepiladi va soviganidan keyin muzlatgichga 3-4 soatga qo‘yiladi.