AQShda o‘tgan bir sutka ichida 1,4 mingdan ortiq bemor koronavirus oqibatida vafot etdi, COVID-19 bilan kasallanish bo‘yicha yana 25 mingdan ortiq holat qayd etildi. Bu haqda Jons Hopkins universiteti ma’lumotlarida keltirilgan.
Ma’lumotlarga ko‘ra, o‘tgan bir sutka ichida 1433 kishi COVID-19 oqibatida vafot etgan, kasallikka chalinish bo‘yicha yana 25 240 ta holat qayd etilgan.
Butun mamlakatda koronavirus qurbonlari soni 42 ming kishidan oshib ketdi, pandemiya boshlanganidan buyon AQShda 787 mingdan ortiq odam COVID-19 yuqtirib olgan. Hozirga qadar 72 mingdan ortiq bemor virusdan davolanishga muvaffaq bo‘ldi.
Avvalroq Tramp AQShda koronavirus sabab joriy etilgan cheklovlarni bosqichma-bosqich bekor qilish rejasi bilan bo‘lishib, shtatlar hukumatiga bu borada mustaqil qaror qabul qilishga ruxsat bergandi. Shuningdek, Amerika yetakchisi Pekinni koronavirusga oid faktlarni yashirgani uchun javobgarlikka tortishga ham va’da bergan.
Mavzuga doir:
Izoh (0)