Maktabgacha ta’lim vazirligi masofadan ishlaydigan xodimlarning ish haqlari bo‘yicha tushuntirish berdi

AOKAda bo‘lib o‘tgan brifingda Maktabgacha ta’lim vazirligi axborot xizmati rahbari Dilafro‘z Ikromova karantin vaqtida maktabgacha ta’lim tashkilotlarida soatbay ishlayotgan xodimlarga masofaviy ishga o‘tkazilgunga qadar belgilangan tarif setkasi (lavozim okladi)dan kelib chiqqan holda ish haqi to‘lanishini ma’lum qildi.

Dilafro‘z Ikromovaning qo‘shimcha qilishicha, agar xodim koronavirus pandemiyasi davrida maktabgacha ta’lim tashkilotlari ta’lim tarbiya jarayoni to‘xtalishidan oldin mehnat ta’tilini olgan bo‘lsa yoki koronavirus pandemiyasi davrida mehnat ta’tilini olishni xohlamasa, ish beruvchi xodimning xohishiga ko‘ra, xodimni masofaviy ish usuli, moslashuvchan ish grafigi va uyda ishlashga vaqtincha o‘tkazishi mumkin.