AOKA huzurida tashkil etilgan shtabdagi Ichki ishlar vaziri matbuot kotibi Shohrux G‘iyosov karantin davrida muddati tugaydigan barcha ruxsat berish xususiyatiga ega hujjatlar muddati 2020-yil, 1-iyulgacha uzaytirilganini ma’lum qildi. Bu haqda “Daryo” muxbiri xabar bermoqda.
“Fuqarolardan juda ko‘p savollar asosan transport vositasiga tegishli hujjatlarni muddati o‘tgan munosabati bilan, avtotrasporti hayday olmayotganliklari, masalan, transportning texnik ko‘rik muddati o‘tgani munosabati bilan ko‘chada jarimaga tortilishi masalalari keng muhokamaga sabab bo‘lmoqda”, — deydi Shohrux G‘iyosov.
Mavzuga doir: Shohrux G‘iyosov: “Maxsus stikeri bor avtomobil egalarining barcha hujjatlari to‘liq bo‘lishi kerak”
- litsenziya va ruxsatnomalar;
- shaxsni tasdiqlovchi hujjatlar (fuqarolik pasporti, chet el fuqarolari va fuqaroligi bo‘lmagan shaxslarning O‘zbekiston Respublikasida yashashiga ruxsatnoma);
- avtotransport vositalarini boshqarish uchun talab qilinadigan hujjatlar;
- transport vositalari egalarining fuqarolik javobgarligini majburiy sug‘urta qilish bo‘yicha sug‘urta polisi;
- transport vositalarini boshqarish uchun ishonchnoma;
- transport vositasini (qayta) ro‘yxatdan o‘tkazganlikni hamda texnik ko‘rikdan o‘tganligini tasdiqlovchi hujjatlar amal qilish muddati 2020-yil 1-iyulga qadar uzaytirilgani ta’kidlandi.
Eslatib o‘tamiz, 9-aprel kuni O‘zbekistonda avtomobil harakatlanishiga maxsus ruxsatnoma talab etilmaydigan holatlar ro‘yxati yangilangan.
Izoh (0)