May oyida qulupnay mavsumi boshlanadi, bu esa ushbu mazali mevadan turli yeguliklar tayyorlash uchun ayni muddao. Muzqaymoq, desert va shirinliklardan tashqari qulupnaydan salat tayyorlash mumkinligini bilarmidingiz? Yo‘q bo‘lsa quyidagi retsept orqali mazali salat tayyorlashingiz mumkin.
Foto: Technology Networks
Buning uchun quyidagi mahsulotlar kerak bo‘ladi:
- Salat bargi
- Qulupnay — 300 gramm
- Yong‘oq — 50 gramm
- Smetana — 3 osh qoshiq
- Sut — 1 piyola
- Shakar — 1 osh qoshiq
- Limon sharbati — 1 choy qoshiq
Tayyorlanish jarayoni:
- Birinchi bo‘lib smetana, limon sharbati, sut va shakar qo‘shib aralashma tayyorlang.
- Yong‘oqni tovaga 1-2 daqiqaga qo‘ying, keyin esa pichoq bilan maydalang.
- Salat bargini qo‘lingiz bilan bo‘laklarga bo‘ling va tarelkaga soling.
- Qulupnayni kesing va uni salat bargli tarelka ustiga soling.
- Uning ustidan smetanali aralashmani quying.
- Yong‘oq qo‘shing va dasturxonga torting.
Yoqimli ishtaha!
Mavzuga doir:
