XXI asrning dastlabki o‘n yilligida “Oltin to‘p” va FIFA taliqiniga ko‘ra yil o‘yinchisi nomi uchun kurash qizg‘in, kutilmagan kurashlarga boy bo‘lardi. Biroq 2008-yildan boshlab Ronaldu—Messi erasi boshlandi va mazkur sovrinlar shu ikki futbolchidan biriga nasib etaverdi. Faqatgina 2018-yilga kelib Luka Modrich bu ikki afsonadan ustun bo‘la oldi.
France Football nashri tomonidan 1956-yilda ta’sis etilgan “Oltin to‘p” mukofoti 2009-yilga qadar Yevropaning eng yaxshi futbolchisiga topshirilar edi. 1988-yilda Xalqaro futbol federatsiyasi – FIFA “Yil futbolchisi” mukofotini joriy etdi. Unda jamoalarning bosh murabbiylari, sardorlari va matbuot kotiblari o‘rtasida o‘tkazilgan so‘rovnoma asosida, har yili jahonning eng yaxshi futbolchisini aniqlardi.
2005-yilgi mavsumdan boshlab, futbol olamidagi eng nufuzli hisoblangan har ikkala mukofotni bir futbolchi qo‘lga kiritavergani sabab, 2010-yildan FIFA va France Football 5 yillik shartnoma imzolab, eng yaxshilarni aniqlash yo‘nalishidagi harakatlarni birlashtirishga va har yili jahonning eng yaxshi futbolchisiga “Oltin to‘p” mukofotini topshirishga qaror qildi.
France Football va FIFA o‘rtasidagi shartnoma yakuniga yetgach, tomonlar hamkorlikni davom ettirish borasida kelishuvga erisha olmadi va 2016-yildan e’tiboran jurnal va tashkilot alohida mukofot beradigan bo‘ldi.
Quyida 2000-yildan boshlab FIFA va France Football mukofotlarini, shuningdek, birlashgan mukofotni qo‘lga kiritgan barcha futbolchilarni birma-bir yodga olish mumkin.
2000-yil. Zinedin Zidan — jahonning eng yaxshi futbolchisi, Luish Figu — Yevropaning eng yaxshi futbolchisi (“Oltin to‘p” sohibi)
2018-yil. Luka Modrich — “Oltin to‘p” va “The Best” sohibi
2019-yil. Lionel Messi — “Oltin to‘p” va “The Best” sohibi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)