Temza daryosi uzra “sayr qilayotgan” hojatxona qog‘ozi, virusdan tuzalgan 83 yoshli onaxon, bo‘shab yotgan Moskva. Hafta suratlari
O‘tayotgan hafta davomida olingan eng qiziqarli suratlar jamlanmasini e’tiboringizga havola etamiz.
Londondagi Temza daryosining janubiy qismida dronda “sayr qilib” yurgan hojatxona qog‘ozi o‘rami.Foto: AP Photo
Rossiyaning Moskva shahri bo‘m-bo‘sh holatda. Endilikda mamlakatda shaxsiy yoki jamoat transportida ishga, tibbiyot muassasasiga yoki oziq-ovqat do‘koniga borish uchun maxsus raqamli ruxsatnomalardan foydalanish zarur. Ruxsatnoma onlayn, telefon qo‘ng‘irog‘i yoki SMS orqali olinadi.Foto: Getty Images
Karantin tartibini boshdan kechirayotgan Toshkent shahrida tashkil etilgan tumanlar o‘rtasidagi blokpostda tumanli ob-havoda turgan harbiy.Foto: “Daryo”
Angliyaning London shahrida quyosh chiqish vaqtida yurib ketayotgan ayol.Foto: Getty Images
Tayvanning Taoyuan shahridagi stadionda professional beysbol ligasi mavsumining ochilishida qatnashayotgan niqobli ishqiboz qizlar.Foto: Reuters
Falastinning G‘azo sektori hududidagi Bayt-Lahiya shahrida ovqat qilayotgan ayol bolalariga karamdan niqob yasamoqda.Foto: AFP
Suriyaning Marat-Masrin shahridagi lagerda Violet tashkiloti tomonidan koronavirus infeksiyasiga doir ma’lumotlar berilayotgan tadbirda ishtirok etayotgan niqobli qizaloq.Foto: Reuters
Livanning Bayrut shahri yaqinidagi O‘rtayer dengizi sohillari yaqinida kun botish vaqtida shafaqda o‘tib ketayotgan niqobli qiz.Foto: AP Photo
Vengriyaning Budapesht shahridagi tunnelni yuqori bosimli yuvish quvurlari bilan tozalayotgan ishchi.Foto: Getty Images
Italiyalik operachi Andrea Bochelli Milan markazidagi Duomo kafedral sobori oldida konserti oldidan tayyorgarlik ko‘rmoqda. U butun dunyo koronavirus pandemiyasidan aziyat chekayotgan vaqtda qo‘llab-quvvatlash uchun kechki onlayn efirda tomoshabinlarsiz yakkaxon ijrosini taqdim etdi.Foto: Getty Images
Cirk La Putyka guruhi a’zolari Chexiyaning Praga shahrida aholi uchun chiqishlar qilmoqda.Foto: AP Photo
Burkina-Fasoning Uagadugu shahridagi qumli bo‘ron vaqtida motosikllarda ketayotgan aholi vakillari.Foto: Reuters
Germaniyaning Grevenbrox shahrida gullab yotgan lolalar ichida yurgan dalmatin iti.Foto: TASS
Buyuk Britaniyaning Lids shahridagi ko‘llardan birida tovlanayotgan quyosh nurlari.Foto: TASS
Turkiyaning Istanbul shahrida Su Sevda Uzun xonadonining dahlizida musiqachilar bilan birga qo‘shnilari uchun doimiy tarzda chiqishlar qilib turadi. Surat dron yordamida olingan.Foto: Reuters
Toshkentda 83 yoshli onaxon koronavirusdan tuzaldi. Sog‘ayganlar soni O‘zbekiston bo‘yicha 194 nafarga yetdi.Foto: Sog‘liqni saqlash vazirligi
Italiyaning Skansano shahrida 12 yoshli Julio planshet va stol-stul hamrohligida internet yaxshi ishlashi uchun tepalikka chiqib o‘tiribdi. Mamlakatda maktablar pandemiya tufayli yopiq bo‘lgani uchun bolalar onlayn tarzda darsda qatnashmoqda.Foto: Reuters
Braziliyaning Kuritiba shahridagi avtobus saroyining teng yarmi yo‘lovchilar yo‘qligi sabab ishsiz avtobuslarga to‘la. Koronavirus tufayli aholining ko‘chaga chiqishi sezilarli darajada kamaygan.Foto: Getty Images
Germaniyaning Leypsig shahridagi “Avliyo Georg” shifoxonasining bolalar bo‘limi yonida tomosha qo‘yayotgan masxaraboz erkak.Foto: TASS
Buyuk Britaniyaning Sent-Florens bog‘idagi daraxtlardan birida dam olayotgan qizil panda.Foto: Reuters
Xitoyning Sinszyan tumanida oy to‘lgan lahza.Foto: TASS
Nepalning Katmandu shahrida oziq-ovqat olish uchun navbatda turgan niqobli qizaloq.Foto: EPA
Shveysariyaning Ayrolo metallni qayta ishlash zavodida ishlayotgan xodim.Foto: EPA
AQShning Nyu-York shtatida Naomi o‘g‘li Feliks bilan birga tug‘ruqxonada yangi tug‘ilgan chaqalog‘ini ushlab turgan singlisiga qaramoqda.Foto: Reuters
Izoh (0)