Bugun,

  • USD 11095.31
  • RUB 173.84
  • EUR 10772.44

Oliy Majlis Qonunchilik palatasi deputati Rasul Kusherbayev tomorqalarni tekshirish bahonasida karantin qoidalarini buzayotganlarni javobgarlikka tortishga chaqirdi.

Foto: Facebook / Rasul Kusherbayev

Foto: Facebook / Rasul Kusherbayev
Bugungi kunning eng mantiqsiz va kulguli holati.

Menimcha, mahallada odamlarmas, virus yuqmaydigan va yuqtirmaydigan ‘supermen’ yoki ‘ledimen’lar ishlasa kerak.

Karantin qoidalariga rioya etish talab qilinib, uyda qolish so‘ralayotgan bir vaqtda mahallalarning mas’ul xodimlari uyda qolganlarning uyiga kirib atrofni o‘rganmoqda (albatta, o‘z xohishi bilan emas): nechta daraxt bor, nima ekilgan, nega ekilmagan, mana ogohlantirish va hokazo.

‘Uyda qol, begonani kiritma, kasallikdan saqlan’, degan gaplardan mahalla xodimlarini shu ishga buyurayotgan mas’ullarning xabari yo‘q ko‘rinadi. Balki umuman bilishmas...

Tomorqachilikning targ‘iboti bilan masofaviy shug‘ullanish mumkin-ku.

Ayni vaqtda bunday kulgili topshiriq berayotganlarning harakati karantin talablarini inkor etish sifatida baholanib, boshqalar qatori teng javobgarlikka tortilishi shart.

Rasul Kusherbayev, Oliy Majlis Qonunchilik palatasi deputati 

Avvalroq O‘zLiDeP vakili, huquqshunos Nuriddin Murodov Ma’muriy javobgarlik kodeksida tomorqadan foydalanish tartibini buzganlik uchun jarima jazosini qo‘llash bo‘yicha taklif aholi tomonidan haqli e’tirozlarga sabab bo‘layotganini ma’lum qilgandi.Eslatib o‘tamiz, 13-aprel kuni O‘zbekistonda tomorqa yer uchastkalaridan samarali foydalanmaganlik uchun javobgarlik kuchaytirilishi bo‘yicha hujjat qabul qilingani to‘g‘risida xabar berilgandi. Unga ko‘ra mamlakatda tomorqa yerlardan unumli foydalanmagan fuqarolar jarimaga tortiladi. Ta’kidlanishicha, Oliy Majlis Qonunchilik palatasi deputatlari hududlarga chiqib aholining tomorqa yerlardan foydalanish holatlarini tahliliy o‘rganmoqda. O‘rganishlarda ko‘plab aholi o‘z ekin maydonlaridan imkon qadar unumli foydalanayotgan bir paytda ayrim fuqarolar tomorqalarini o‘z holiga tashlab qo‘ygani aniqlangan.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi