Bugun,

  • USD 11095.31
  • RUB 173.84
  • EUR 10772.44

Qashqadaryo viloyatining Muborak tumanida yashovchi shifokorlar karantin qoidalariga zid ravishda to‘y o‘tkazgan. Bu haqda “Daryo” muxbiri ma’lum qilmoqda. Ta’kidlanishicha, to‘y 14-aprel kuni bo‘lib o‘tgan. To‘yga 50 nafar mehmon chaqirilgan.

“Kuyovning onasi bilan suhbatlashganimizda to‘yga xonanda chaqirmadik, shunchaki, kelinni olib keldik dedi”, — deydi “Daryo” muxbiri bilan suhbatlashgan manba. Qo‘shimcha qilinishicha, kelinning otasi M.R. tez tibbiy yordamda bosh shifokor, onasi T.X. ham shifokor bo‘lib ishlaydi. Oila tumanning “Quruvchilar” mahallasida yashaydi. Kuyovning opasi F.A. ham oliy toifali shifokor.

Qashqadaryo sog‘liqni saqlash boshqarmasi axborot xizmati ijtimoiy tarmoqda tarqalgan bu xabar o‘rganilayotganini, qudalar tibbiyot xodimlari ekanligiga oydinlik kiritilishini yozgan. Ayni paytda mazkur holat yuzasidan surishtiruv olib borilmoqda.

Avvalroq Toshkentning Yunusobod tumanida karantin vaqtida kuyov-navkar marosimi o‘tkazilgani, tadbir tashkilotchisi hisoblangan kelinning otasiga nisbatan jinoiy ish qo‘zg‘atilgani haqida xabar berilgan edi. Bundan tashqari, Chilonzor tumanida ham to‘y marosimini o‘tkazishga urinish holati qayd etilgani xabar qilingan edi.

 

Eslatib o‘tamiz, joriy yil 23-martdan boshlab O‘zbekistonda to‘ylar va boshqa ommaviy tadbirlar o‘tkazish taqiqlangan. Shuningdek, fuqarolarning o‘ta zaruratsiz uydan chiqishi cheklangan, bemaqsad ko‘chada yurganlar javobgarlikka tortilmoqda.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?