14-aprel kuni oltinning qiymati keyingi yetti yil ichida eng yuqori narxga ko‘tarildi. Comex birjasida uning narxi 0,5 foizga o‘sib, bir unsiyasi 1768,9 dollarni tashkil etdi. Bu haqda “RBK” xabar bergan.
Savdo sessiyasi davomida oltinning bir unsiyasi uchun maksimal qiymat 1785 dollarni tashkil etdi.
Qimmatbaho metallning kotirovkalari karantin choralari sabab jahonda iqtisodiy o‘sishning sekinlashgani, fond indekslarining qulashi va neft narxining pasayishi oqibatida oshdi. Investorlar moliya bozoridagi beqaror vaziyat paytida aktivlarini himoyalashda aynan oltindan foydalanadi.
Dunyoning katta markaziy banklarining katta hajmdagi pul dasturlarini qabul qilishi oqibatida inflatsiya xavotiri yuqori ekani tufayli oltinga bo‘lgan talab yuqori bo‘lib qolmoqda.
Nyu-Yorkdagi Comex birjasida oltinnning narxi 16 foizga oshdi va ayni vaqtda 2011-yil sentabridagi rekord natija, ya’ni unsiyasi uchun 1923,7 AQSh dollari qiymatiga yaqinlashishi uchun yana 10 foizga ko‘tarilishi zarur.
“Jahon iqtisodiyotining o‘sishi esa sekinlashib bormoqda, moliya bozorlaridagi noaniqlik yuqori darajada qolsa, oltinning narxi yanada oshishi mumkin”, – deya ta’kidlagan Next Generation Julius Baer istiqbolli tadqiqotlar loyihasi rahbari Karsten Menke.
Mavzuga doir: O‘zbekiston ikki oyda 1 mlrd dollarlik oltin sotdi
Izoh (0)