Tonirovka tortilgan Captiva’da o‘yinchoq avtomatini ko‘tarib, Instagram’da yulduzga aylangan yigit topildi va qilgan ishidan pushaymonligini bildirdi. Bu haqda Ichki ishlar vazirligi YHXBB axborot xizmati xabar berdi.
20 yoshli A.Sh. Bekobod shahrida istiqomat qiladi va Londonda tahsil oladi. O‘yinchoq avtomatni esa unga ona shahrida ancha vaqt ilgari yasab berishgan.
Video aybiga iqror yigitning aytishiga qaraganda 3—5-fevral kunlari oralig‘ida olingan.
YHXBB vakili qoidabuzar bilan suhbatda yigitning Londonda o‘qishi, deputatning o‘g‘li ekanini, tonirovkali davlat raqami chiroyli Captiva’da yurishini bilib unga savol bergan.
Qoidabuzar koronavirus sabab karantin joriy qilingan hozirgi sharoitda ushbu videoning internetda tarqalib ketgani, qilgan ishi noto‘g‘ri va bemaqsad amalga oshirilganini tan olib, aybiga iqrorligi va bundan pushaymon ekanini bildirgan.
Avvalroq Toshkentda karantin vaqtida “eplab” ko‘chada niqobsiz yurgan qiz va 2 yigit 15 sutkaga qamalgani, Toshkentda guruh bo‘lib harakatlangan “migalka”li Lacetti, Captiva, Spark haydovchilari qamoqqa olinishi mumkinligi haqida xabarlar berilgan.
Izoh (0)