O‘zbekistonda karantin tadbirlari e’lon qilingan vaqtdan bugungi kunga qadar karantin qoidalariga amal qilmaslik bilan bog‘liq jami 55 386 ta holat aniqlandi, deb xabar bermoqda IIV matbuot xizmati.
Qayd etilishicha, eng ko‘p — 9 029 ta qoidabuzarlik Toshkent shahrida qayd etilgan. Toshkent viloyatida esa bunday holatlar soni 7 705 tani tashkil etmoqda. Respublika bo‘yicha aniqlangan qoidabuzarliklar esa quyidagicha:
- Farg‘ona viloyatida – 7 635 ta holat;
- Samarqand viloyatida – 5 497 ta holat;
- Sirdaryo viloyatida – 4 154 ta holat;
- Qashqadaryo viloyatida – 4 066 ta holat;
- Namangan viloyatida – 3 252 ta holat;
- Andijon viloyatida – 3 243 ta holat;
- Buxoro viloyatida – 2 256 ta holat;
- Jizzax viloyatida – 2 070 ta holat;
- Qoraqalpog‘iston Respublikasida – 2 020 ta holat;
- Surxondaryo viloyatida – 1 957 ta holat;
- Xorazm viloyatida – 1 848 ta holat;
- Navoiy viloyatida – 654 ta holatni tashkil etmoqda.
Ichki ishlar organlari yo‘l-patrul xizmati xodimlari tomonidan karantin davrida avtotransport vositasini maxsus ruxsatnomasiz boshqarganlik uchun transport vositasi jarima maydonchasiga joylashtirish yo‘li bilan ushlab turilishi xabar qilindi. Bosh prokuratura fuqarolardan koronavirus tarqalishining oldini olish maqsadida kundalik yuritishni so‘radi.
Shuningdek, 6-apreldan boshlab Toshkent shahrining 11 ta tumanidagi 514 ta mahalla qoshida karantin tartibini nazorat qiluvchi “Jamoatchilik nazorati maskani” tashkil etildi.
Ayni paytda O‘zbekistonda koronavirusga chalinganlar soni 896 nafarga yetdi.
Izoh (0)