“Tottenhem” PSJ himoyachisini qo‘lga kiritmoqchi. Buni Mourinyo xohlamoqda

PSJ himoyachisi Toma Menye faoliyatini “Tottenhem”da davom ettirishi mumkin, deya xabar qilmoqda 90min.

Mazkur transferni londonliklar ustozi Joze Mourinyo xohlamoqda. Portugaliyalik mutaxassisga Serj Orye bilan ishlash yoqmayapti.

28 yoshli belgiyalik futbolchining parijliklar bilan amaldagi shartnomasi 2020-yilning yozida o‘z yakuniga yetadi. Shu tariqa Tomaning transferi “Tottenhem”ga tekinga tushadi.

PSJ Menyeni 2016-yilning yozida “Bryugge”dan 6 million yevro evaziga sotib olgandi. 2019/20-yilgi mavsumda futbolchi 27 o‘yin o‘tkazib, bir gol va ikkita samarali uzatmaga muallif bo‘ldi.