2019-yilda rejissor Ridli Skott tomonidan suratga olish ishlari boshlangan Guchchi fojiasi haqidagi film premyerasi 2021-yil 24-noyabrda bo‘lib o‘tadi, deb yozadi Harper’s Bazaar.
Ushbu filmda bosh rolni xonanda sifatida yaxshi ma’lum Ledi Gaga ijro qilgan. Bundan avval, 2018-yilda suratga olingan “Star is born” filmidagi Bredli Kuper bilan birgalikdagi ishtiroki qo‘shiqchiga omad olib kelgandi.
Film hayotiy voqeaga asoslangan bo‘lib, unda Ledi Gaga Mauritsio Guchchining turmush o‘rtog‘i Patritsiya Redja rolini ijro qilgan. Sujet asosini Patritsiyaning Guchchini o‘ldirishda ayblab, 18 yilga ozodlikdan mahkum qilingani tashkil qilgan: faqat 4 yil oldin hayotdagi Patritsiya ozodlikka chiqdi.
Film ssenariysi Sara Gey Fordenning “Guchchi xonadoni: qotillik, telbalik, kiborlik va ochko‘zlik haqida shov-shuvli hikoya” nomli kitobiga asoslangan bo‘lib, filmga rejissorning turmush o‘rtog‘i Jiannina Skott prodyuserlik qilgan.
Izoh (0)