Bugun,

  • USD 11095.31
  • RUB 173.84
  • EUR 10772.44

Xitoyda koronavirus infeksiyasining keng ko‘lamli ikkinchi to‘lqini kasallikning boshqa davlatlardan kirib kelishi hisobiga sodir bo‘lish ehtimoli juda kam. Bu haqda mamlakat bosh epidemiologi Chjun Nanshanga tayanib, “RIA Novosti” xabar berdi.

Foto: AP Photo

Foto: AP Photo

Ekspertning ma’lum qilishicha, virusning Yevropa mamlakatlari, Amerika va hatto Janubi-sharqiy Amerikadan kirib kelishi va tarqalishi xavfi mavjud, chunki ushbu mintaqalardan kelgan bemorlarning virulentligi (kasallikni yuqtirish) juda yuqori, ayniqsa, belgilari namoyon bo‘layotgan bemorlarda.

“Kasallik yana avj oladimi, ya’ni biror mahalliy yoki undan kattaroq miqyosda bo‘ladimi, masalan, oilada, maktabda yoki bir guruh odamlarda, o‘ylashimcha, bundayin ehtimol juda past. Xitoyda, har bir alohida turar joy maydonida va uyning darajasiga qadar juda qattiq profilaktika choralari ko‘rilmoqda”, — deydi ekspert.

Epidemiologning ta’kidlashicha, Xitoyda barcha niqob taqib yuribdi, muloqot vaqtida masofaga rioya qilmoqda, bundan tashqari, biror kishining tana harorati ko‘tarilsa yoki boshqa belgilar paydo bo‘lsa, tezkorlik bilan ma’lum qilinib, izolyatsiyaga olinyapti.

“Shu sababli bunday sharoitda kasallikning tarqalish ehtimoli juda past, lekin, albatta, xavf bor”, — deya ta’kidlaydi Chjun Nanshan.

So‘nggi ma’lumotlarga ko‘ra, Xitoyda pandemiya boshlanganidan buyon 81 953 kishida koronavirus aniqlangan, jami 3339 kishi vafot etgan.

Izoh
Asosiy yangiliklar
Shou-biznes
Baxtli tasodiflar: Yulduzli juftliklar qayerda va qanday tanishgan?
Mahalliy
Ekologik partiya prezidentlikka nomzod sifatida Abdushukur Hamzayevni va uning dasturini ma’qulladi
Sport
Lionel Messi faoliyatini APLda davom ettirishi mumkin