Qo‘lga olingan shifokorlar, bo‘m-bo‘sh Parijdagi o‘rdak, kuyovga turmush qurishni taklif etgan kelin. Hafta suratlari
O‘tayotgan hafta davomida olingan eng qiziqarli suratlar jamlanmasini e’tiboringizga havola etamiz.
Karantin vaqtida, ayni bahor daraxtlarni gullatgan paytda Germaniyaning Bonn shahridagi uyida o‘tirgan it.Foto: Reuters
Styuardessa Kolumbiya okrugining Vashington shahridan Luiziana shtatining Yangi Orlean shaharlari o‘rtasidagi yakka yo‘lovchili reys boshlanishini kutmoqda.Foto: Reuters
Ispaniyaning Ronda shahri markazida 32 yoshli Xuan Manuel Zamorano va 31 yoshli Yelena Gonsalesning unashtirish marosimini olqishlayotgan qo‘shnilar. Turmush qurish taklifi kelin tomonidan bildirilgan.Foto: Reuters
Peruning El-Kalyao shahrida komendantlik soati vaqtida qoidabuzarlik qilib ko‘chaga chiqqan erkakka politsiya xodimi futbolkadan himoya niqobi hosil qilmoqda.Foto: AP Photo
Meksikaning Mexiko shahrida joylashgan oziq-ovqat markazida yuzaga kelgan yong‘inni o‘chirish vaqtida mehnat qilayotgan o‘t o‘chiruvchi.Foto: AP Photo
Rassom Ugo Rondinonening Las-Vegasdagi “Yetti sehrli tog‘” asari.Foto: AP Photo
O‘zbekiston Ichki ishlar vaziri Po‘lat Bobojonov Prezident o‘tkazgan videoselektorda bosh vazir Abdulla Aripov kabi virus blokatori taqib oldi.Foto: Prezident matbuot xizmati
Italiyaning Rim shahridagi maydon sayyohlar qadami uzilgach, o‘t-maysalar bilan qoplanishni boshladi.Foto: Reuters
Belgiyaning Bryussel shahrida koronavirus tufayli davom etayotgan karantin vaqtida 42 yoshli Pal va uning 4 yoshli qizi Merilu oyna oldida balet harakatlarini takrorlashmoqda.Foto: Reuters
Hindiston ko‘chalarini ishg‘ol qilayotgan maymunlar.Foto: EPA
Norvegiyaning Klovner va Kamp hip-hop guruhi Lillestrom avtomobillar turargohida ilk drive-Inn konsert dasturini qo‘ymoqda.Foto: EPA
Niderlandiyaning Xerlen shahrida politsiya vakillari savdo bulvarida dron yordamida odamlarni kuzatib, ularga ijtimoiy masofalanishning ahamiyati haqida axborot bermoqda.Foto: Getty Images
Chilining Santyago shahridagi yevangeliya cherkovi xodimida koronavirus infeksiyasi aniqlangach, barcha ishchilar karantinga olingan. Politsiyachilar tunda qo‘riqlash uchun avtomobilda o‘tiribdi.Foto: Reuters
Chili ko‘chalarini kezib yurgan yovvoyi puma.Foto: Reuters
Pokistonning Kvetta shahrida xavfsizlikni ta’minlovchi uskunalar yo‘qligidan norozi bo‘lib namoyish uyushtirgan shifokor va feldsherlar politsiya tomonidan qo‘lga olinmoqda.Foto: Getty Images
Bo‘shab qolgan Parij ko‘chalarida sayr qilib yurgan o‘rdak.Foto: TASS
Janubiy Afrikaning Keyptaun shahridagi Bo-Kaap kvartalida joylashgan rangli uylar.Foto: AP Photo
Chexiyaning Praga shahrida aholiga ko‘tarinki ruh bag‘ishlayotgan sirk artisti.Foto: EPA
Bangkok shahridagi uysiz hayvonlar uchun mo‘ljallangan boshpanada 1500 ga yaqin itlar oz miqdoridagi ozuqa bilan bir joyda jon saqlamoqda. Koronavirus pandemiyasi boshlanganidan so‘ng oziq-ovqat va pul xayriyasi keskin qisqardi.Foto: Getty Images
Angliyaning Frodshem shahrida tuman aholisi mahalliy fitnes instruktori Janet Vudkok boshchiligida ijtimoiy masofa saqlagan holda kundalik mashqlarni bajarmoqda.Foto: Getty Images
Yangi Zelandiyalik futbolchi uyida, o‘z garajida mashg‘ulot o‘tkazmoqda. Mamlakat 26-martdan tashqi dunyo uchun yopiq.Foto: Getty Images
Germaniyaning Berlin shahridagi Landver kanalida patlarini tozalayotgan oqqush.Foto: EPA
Toshkent shahrida yog‘ib o‘tgan qor 9-aprelda ko‘chalarni 6223 tadan ortiq qulagan daraxtlarga to‘ldirdi.Foto: “Daryo”
Filippinning Manila shahrida “Yaxshi juma” bayramini nishonlayotgan yigit.Foto: EPA
AQShning Kanzas-Siti shahrida ertalabki yugurishga chiqqan odam.Foto: AP Photo
Avstriyaning Vena shahridagi Belvivyuzen ko‘chasidagi maysalar ustida tabiatdan bahra olib yotgan erkak.Foto: Getty Images
Niderlandiyalik velopoygachi Mayk Teunissen Rosmalen shahridagi uyida mashg‘ulot qila turib suv ichmoqda. Flandriyadagi turne koronavirus tufayli bekor qilingan.Foto: Getty Images
Hindistonning Chinnay shahrida volontyor bolalar nima va kurkuma o‘simliklaridan tayyorlangan tabiiy dezinfeksiya vositasi aralashtirilgan suyuqlikni ko‘chalarga sepib chiqmoqda.Foto: Getty Images
Izoh (0)