Ramazon oyida #SherinTilaklar bilan yaqinlaringizni shod aylang

Muborak Ramazon oyida iftorlik dasturxoni atrofida jamuljam bo‘lish xalqimizning har bir vakili uchun qanchalik muhim ahamiyatga ega ekanligini yaxshi anglaymiz.

Shunday ekan, hozirgidek murakkab davrda bayramona kayfiyat hamda ahillik tuyg‘usini targ‘ib etish maqsadida O‘zbekistonning yuzlab xonadonlarini #SherinTilaklar loyihasiga chorlab qolamiz!

2020-yilning muborak Ramazon oyida iftorlikni tor doirada, oilangiz davrasida o‘tkazishingiz lozim. Biroq turli sabablarga ko‘ra yaqinlaringiz, yor-u birodarlaringizdan yiroqda bo‘lsangiz, ularga o‘ziga xos kutilmagan sovg‘a hozirlash imkoniyatini sizga beminnat yordam sifatida sidqidildan taqdim etamiz.

Sherin savdo belgisi o‘zi uchun ajratilishi mumkin bo‘lgan targ‘ibot ishlariga sarflaydigan lahzalarni aziz tomoshabinlarga, yurtimizning turli burchaklaridagi yor-u birodarlariga iliq so‘zlari, qalb-qo‘ridagi tilaklarni yetkazmoqchi bo‘lgan vatandoshlarimizga tuhfa qiladi, ularga ochiq minbar hozirlaydi.

#SherinTilaklar loyihasida siz qadrdonlaringiz, do‘stlaringiz va suyukli insonlaringizni televizor ekranlarida, shuningdek, brendning ijtimoiy tarmoqlardagi sahifalari orqali tabriklab, ularga bo‘lgan mehr-muhabbatingizni videomurojaat shaklida yetkazishingiz mumkin. Ishoning, ezgu tilaklaringiz har bir xonadonga yetib boradi.

#SherinTilaklar — masofa bilmas yaqin munosabatlarni qo‘llab-quvvatlovchi loyiha. Unda har kim, qaysi hududda istiqomat  qilishidan qat’iy nazar, har bir yurtdoshimiz ishtirok etish imkoniyatiga ega.

Loyihaning 30 ta videolavhalaridan birining qahramoniga aylanish uchun quyidagi havola orqali o‘ting https://forms.gle/5wyuKCnAdPf4KyLA6 va ism-familiyangiz, aloqa uchun telefon raqamlaringizni yozib qoldirgan holda tashkilotchilarning javobini kuting.

#SherinTilaklar — yoningizda!

#SherinTilaklar loyihasi konsepsiyasi Sherin savdo belgisi uchun FCB Artgroup Uzbekistan kreativ agentligi tomonidan ishlab chiqilgan.

Reklama huquqi asosida.