Karantinda qolgan avstraliyaliklar qiziqarli “axlat fleshmob”ni boshlab yubordi (foto)

Koronavirus pandemiyasi sabab karantinda qolayotgan Avstraliya fuqarolari qiziqarli fleshmob uyushtirdi. Tayyor bo‘lgan suratlar bilan ular Facebook’dagi Bin isolation outing hamjamiyati orqali ulashmoqda, deb xabar beradi “Korrespondent.net”.

Mamlakatda mart oyining oxirida karantin e’lon qilingan. Belgilangan tartib-qoidani buzganlar 1000 Avstraliya dollarigacha jarimaga tortiladi.

Biroq avstraliyaliklar o‘zlarini xursand qilishning original usulini topib, fleshmob boshlab yubordi. Uning ishtirokchisi o‘ziga xos kostyum kiyib olib, axlatni chiqindi idishga tashlayotganida suratga tushishi kerak.