Xorijiy davlat (9 ta)da bo‘lib turgan 23 nafar O‘zbekiston fuqarosida koronavirus aniqlangan, ulardan 3 nafari vafot etgan. Bu haqda Tashqi ishlar vazirligi axborot xizmati rahbari Avazbek Hojimetov 7-aprel kuni bo‘lib o‘tgan brifingda ma’lum qildi.
Qayd etilishicha, xorijdagi O‘zbekiston fuqarolari orasida ham koronavirus yuqtirib olish holatlari kuzatilmoqda. Ayni paytda quyidagi mamlakatlarda bo‘lib turgan o‘zbekistonliklarda kasallik aniqlangan:
- Avstriya — 1 nafar;
- Armaniston — 1 nafar;
- AQSh — 10 nafar;
- BAA — 1 nafar;
- Janubiy Koreya — 1 nafar;
- Pokiston — 5 nafar;
- Rossiya — 1 nafar;
- Tailand — 1 nafar;
- Qozog‘iston — 2 nafar.
Avvalroq Nyu-Yorkda ikki o‘zbekistonlik (bir ayol va bir erkak) koronavirusdan vafot etgani haqida xabar berilgan edi. 6-aprel kuni yana bir nafar o‘zbekistonlik Nyu-Yorkda koronavirusdan vafot etgan. Shuningdek, Armaniston, Qozog‘iston va Avstriyadagi O‘zbekiston fuqarolarida koronavirus aniqlangani ma’lum qilingan edi.
Izoh (0)