Gruziyaning Poti dehqon bozori kiraverishiga pullarni dezinfeksiyalovchi punkt o‘rnatildi — qog‘oz kupyuralar dazmollanib, tangalarga esa antiseptik sepilmoqda, deb xabar beradi NewsGeorgia.
Xaridorlar oqimini nazorat qilish oson, chunki yopiq bozorga birgina darvoza orqali kiriladi.
“Pullarga bog‘liq holat vahimali bo‘lgani sabab, biz naqd valyutani dezinfeksiya qilishga qaror qildik. Muammoni yechish uchun shu yo‘lni ma’qul ko‘rdik”, — deydi direktor.
https://www.facebook.com/batumelebi/videos/262176118278646/
O‘tgan hafta Gruziya Milliy banki g‘aznasining yetti nafar xodimida koronavirus aniqlangan edi. Infeksiya manbasi noma’lum. Mutaxassislarning fikricha, virus qog‘oz kupyuralar orqali ham yuqishi mumkin.
Qog‘zor kupyuralarni dezinfeksiya qilish yo‘lida dazmoldan foydalanish fikrini Gruziya Kasalliklarni nazorat qilish va sog‘liqni saqlash milliy markazi boshlig‘ining o‘rinbosari Paata Imnadze ilgari surgan.
Mavzuga doir: Gruziyada komendantlik soati joriy etildi
Izoh (0)