Eng katta mo‘jiza sifatida farzand tug‘ilishini orzu qilmaydigan ayollar uchramaydi. Afsuski, ko‘pincha ushbu mo‘jiza biz uchun imkonsiz bo‘ladi – Butunjahon Sog‘liqni Saqlash Tashkilotining ma’lumotlariga ko‘ra bepushtlik bugungi kunda global miqyosdagi muammo deb tan olingan rivojlanayotgan mamlakatlarda esa 25 foizgacha oilaviy juftliklar ushbu tashxisga duch kelmoqda!
Bu kabi juftliklarga zamonaviy ilm-fan va texnologiyalar imkoniyatlari yordam beradi. Axir so‘nggi 40 yil ichida aynan EKO va boshqa reproduktiv tibbiyot usullari tufayli butun jahonda 8 millionga yaqin bola dunyoga keldi.
To‘g‘ri tashxis
Shuni tushunish zarurki, juftlik doim ham o‘zi istagan muddatda tez homilador bo‘lish imkoniga ega emas. Darhol tashvishlanish va avtomatik ravishda o‘ziga bepushtlik tashxisini qo‘yish kerak emas. O‘zingiz o‘ylab ko‘ring: birinchi oyda homilador bo‘lish ehtimoli me’yor bo‘yicha 20 foizga teng, yarim yil ichida esa atigi 50 foizni tashkil qiladi. Jiddiyroq aytganda, 12 oy davomida amalga oshirilgan muntazam (haftasiga kamida ikki marta) jinsiy aloqalardan keyin homiladorlik boshlanmagan hollardagina bepushtlik to‘g‘risida gap ketishi mumkin.
Homilador bo‘lish qiyinchiliklari ham ayol, ham erkak sog‘lig‘idagi muammolarga bog‘liq bo‘lishi mumkin. Tekshiruvlar odatda uchta asosiy yo‘nalishda boshlanadi:• birinchidan, ayol qonidagi progesteron (ovulyatsiyaga javob beruvchi gormon) miqdori tahlili• ikkinchidan, bachadon naylarining o‘tkazish qobiliyatini tekshirish (EKO usulining o‘zi ham o‘z vaqtida aynan shu muammoni hal qilish maqsadida ishlab chiqilgan edi)• va uchinchi omil – spermaning sog‘lomlik tahlili.
Sun’iy urug‘lantirish: inseminatsiya (urug‘lantirish) yoki EKO?
Shubhasiz, EKO usuli bugungi kunda reproduktiv tibbiyotda shunchalik keng qo‘llanadiki, ayrim shifokorlar darhol aynan uni tavsiya qiladilar. Ammo, shu bilan birga, bir qator holatlarda deyarli 3 martalik inseminatsiyani (urug‘lantirishni) 1 martalik EKO protsedurasiga tenglashtirish mumkinligini unutmaslik kerak.
Har bir juftlik uchun optimal davolanish rejasini albatta, juftlik ishonchini qozongan tajribali shifokor aniqlab berishi kerak.
Texnologiyalarning rivoji: muvaffaqiyatning o‘sishi
Reproduktiv texnologiyalar so‘nggi 10-15 yil ichida qay darajada o‘zgarganligi haqida Acibadem Xalqaro shifoxonalar tarmog‘i reproduktiv texnologiyalar bo‘limi mudiri, dunyoga mashhur mutaxassis, professor Tayfun Bagish bilan suhbat quramiz. Professor o‘zi o‘tkazgan 15 000 dan ortiq EKO sikllarining shaxsiy tajribasiga tayanib, quyidagi yo‘nalishlardagi taraqqiyotni ta’kidlaydi:
• ko‘p hollarda muolaja o‘tkazish muddatini 4-5 haftadan – bir necha kungacha qisqartirish imkoniyati;
• vitrifikatsiya usuli tufayli embrionlar, tuxumhujayralar va spermani muzlatish tizimining takomillashuvi – material erigach o‘zining barcha xossalarini saqlab qoladi va hatto yaxshilaydi ham;
• embrionlar ayol bachadoniga ko‘chirishgacha davrda rivojlanadigan ozuqaviy muhitga oid yangi retseptlarning paydo bo‘lishi tufayli homiladorliklar sonining jiddiy o‘sishi;
• eng yangi embrioskopik uskunaning paydo bo‘lishi, u bevosita inkubatorda urug‘langan tuxumhujayraning rivojlanishini kuzatish imkonini beradi: mashina har o‘n daqiqada hujayrani suratga oladi hamda tugmani oddiy bosish orqali embrionning rivojlanish jarayonini ko‘rsatadi.
O‘rtacha olganda, muolaja (EKO) muvaffaqiyatiga erishish ehtimoli taxminan 45 foizni tashkil qiladi. Biroq ushbu ko‘rsatkich ayolning yoshiga qarab jiddiy farq qiladi. Professor Bagish vaziyatni shunday izohlaydi:
“35 yoshdan kichik ayollar uchun prognoz qilinayotgan muvaffaqiyat foizi 70% atrofida bo‘ladi. 30 yoshdan kichik bo‘lsangiz, 80%ga ham erishish mumkin. Lekin afsuski – ushbu homiladorliklarning taxminan 15-20 foizi bola tushib qolishi bilan yakun topadi. Shuning uchun biz odatda, agar 35 yoshdan kichik bo‘lsangiz, sizning homilador va farzandli bo‘lish imkoniyatingiz taxminan 50 foizni tashkil qiladi”.
Acibadem tajribasi
Acibadem xalqaro klinikalar tarmog‘ining tajribasi, eng yangi texnologiyalari, shifokor-reproduktologlarining yuqori malakasi tufayli jahonning 20 dan ortiq mamlakatlarida istiqomat qiluvchi minglab ota-onalar o‘z farzandlarining ilk qadamlarini ko‘rishga muvaffaq bo‘ldilar.
Bizga zamonaviy tibbiyot imkoniyatlaridan foydalanish va yana bu dunyodagi o‘z davomchilarini ko‘rish istagi bilan murojaat qilishadi. Acibadem bilan bu orzu ko‘pchilik uchun baxtli haqiqatga aylandi!
Turkiyadagi Acibadem shifoxonalarida davolanishga oid barcha qiziqtirgan savollar bo‘yicha Acibadem’ning Toshkentdagi vakolatxonasiga murojaat qilishingiz mumkin.
Manzil: Toshkent shahri, Mirzo Ulug‘bek tumani, Buyuk Ipak yo‘li mavzesi, 19-uy.
Telefon: (+99895) 144-54-45
Rasmiy sayt: www.acibadem.com.ru
Reklama huquqi asosida.
Izoh (0)