Yengil vazn toifasida UFC chempioni Habib Nurmagomedovning murabbiyi Xavyer Mendes UFC 249 kechasidan o‘rin olgan Toni Fergyusonga qarshi jang o‘tkazilishi mumkinligini aytdi.
Murabbiyning ta’kidlashicha, UFC prezidenti Deyna Uayt jang joyini rasman ma’lum qilsa, rossiyalik yakkakurashchi unda qatnashadi.
“Jang hali rasman bekor qilinmadi, shunday ekan umid qilamanki, Deyna Uayt yaqin orada UFC 249 musobaqasi bo‘lib o‘tadigan joy nomini ma’lum qiladi. O‘shanda biz avvalgi rejamizga qaytamiz va Toniga qarshi jang bo‘lib o‘tadi. Agar bunday bo‘lmasa, u holda to‘qnashuvni sentabrga ko‘chirishlarini kutib qolaman.
Habib muntazam shug‘ullanmoqda, biroq uning mashg‘ulotlari mukammallikdan yiroq. Karantin vaqtida mashg‘ulot jarayonini olib borish juda qiyin”, — deydi Mendes.
Mavzuga doir: Habib Nurmagomedov Putinga qo‘ng‘iroq qilmagani va shaxsiy samolyot haqidagi ayblovlarga javob berdi
Izoh (0)