Dunyo volontyorlarining koronavirus pandemiyasi sharoitidagi faoliyati – suratlarda
Koronavirus pandemiyasi butun dunyoni tashvishga solayotgan vaziyatda volontyor (ko‘ngilli) larning rolini alohida e’tirof etish lozim. Ular o‘z vaqti, ko‘nikmalari, moddiy va ma’naviy yordamlari bilan ko‘makka zarurat sezayotgan insonlarning oldiga shoshilmoqda.
Jahonning turli nuqtalarida kuzatilayotgan yetishmovchilik tufayli uy sharoitida niqoblar tikish, shaxsiy gigiyena vositalarini ishlab chiqarish bilan birga, keksalar va muhtoj oilalarga yordam qo‘lini cho‘zayotgan ko‘ngilli insonlar soni ortib bormoqda. The Atlantic nashri ana shunday volontyorlarning faoliyatidan lavhalar ulashdi.
Favqulodda yordam guruhining volontyori (o‘ngda) koronavirus tarqalishiga qarshi kurash doirasida mototsikl haydovchisiga qo‘llarini to‘g‘ri dezinfeksiya qilishni o‘rgatmoqda. Karachi, Pokiston. 2020-yil, 21-mart.Foto: Reuters
Koronavirus infeksiyasiga qarshi kurash tadbirlariga qo‘shilgan volontyorWestCOP jamoatchilik markazida mahsulotlarni taqsimlash hududida aholini kutib olmoqda. Nyu-York shtati, Nyu-Roshel, AQSh. 2020-yil, 18-mart.Foto: Getty Images
Koronavirus tufayli maktabi yopilgan bolakay volontyordan o‘quv anjomlari bilan to‘ldirilgan sumkani qabul qilib olmoqda. Folls-Cherch kam ta’minlanganlar tumani, Virjiniya shtati, AQSh. 2020-yil, 17-mart.Foto: Reuters
Generazione 90 birlashmasi volontyori Marko Kaberletto yordam guruhiga murojaat qilgan keksa ayolga mahsulotlar xarid qilib, yetkazib bermoqda. Venetsiya, Italiya. 2020-yil, 13-mart.Foto: Getty Images
Foto: Getty Images
Novi-Sad yarmarkasi ichida koronavirusning yengil belgilari bilan og‘rigan bemorlarini joylashtirish uchun karavotlarni o‘rnatayotgan ko‘ngillilar tanaffus vaqtida. Novi-Sad, Serbiya. 2020-yil, 27-mart.Foto: Reuters
Volontyor jamoat avtobuslari vokzalini dezinfeksiya qilmoqda. Kuritiba, Braziliya. 2020-yil, 1-aprel.Foto: Getty Images
Arbeiter-Samariter-Bund yordam va ijtimoiy himoya tashkilotining vakili Valtraud Doering koronavirus infeksiyasiga qarshi kurashayotgan feldsherlar uchun bepul himoya niqoblarini tikmoqda. Barzingxauzen, Germaniya. 2020-yil, 26-mart.Foto: Reuters
Yong‘inga qarshi maxsus kiyimlar ishlab chiqaradigan fabrikada ko‘ngillilar jamoasi tibbiyot xodimlari uchun xalatlar tikmoqda. Arnedo, Ispaniya. 2020-yil, 30-mart.Foto: AP Photo
Mahalliy volontyor sovun va yuvuvchi vositalar bilan to‘ldirilgan qutini manzili tomon olib ketmoqda. Rio-de-Janeyro, Braziliya. 2020-yil, 24-mart.Foto: AP Photo
Ko‘ngillilar Oq uy Sharqiy xonasining nusxasi, Richard Nikson nomidagi kutubxona va muzeyda joylashgan donorlik markazida qon topshirmoqda. Yorba-Lind, Kaliforniya, AQSh. 2020-yil, 30-mart.Foto: Reuters
Roza Edit Lukou xususiy restoranida idishlarni qo‘lbola suyuq sovun bilan to‘ldirmoqda. Palmere, Abijan shahri, Kot-d’Ivuar. 2020-yil, 1-aprel.Foto: Reuters
Roza Edit Lukouning yordamchisi sovun va suv-spirtli gellarni Yopugon tumanidagi aholiga tarqatmoqda. Abidjan, Kot-d’Ivuar. 2020-yil, 1-aprel.Foto: Reuters
Volontyor hamshira ko‘chadagi uysiz odamlarni parvarish qilmoqda. Milan, Italiya. 2020-yil, 24-mart.Foto: AP Photo
Volontyorlar hukumat tomonidan koronavirusga qarshi choralar doirasida yordam beriladigan aholi uchun oziq-ovqat va birlamchi mahsulotlar uchun qutilar tayyorlamoqda. Nayrobi, Keniya. 2020-yil, 28-mart.Foto: AP Photo
Ko‘ngillilar guruhi vakillari axborot tarqatishda ishtirok etish uchun niqoblarni taqmoqda. Ular gigiyenaga amal qilmaslik qanday oqibatlarga olib kelishi bo‘yicha aholi orasida ma’lumot tarqatganlar. Dipzslut, Yoxannesburg, Janubiy Afrika. 2020-yil, 21-mart.Foto: AP Photo / Getty Images
Jeremi Reytman garajida 3-D printerlari chiqarayotgan tibbiy himoya oynalari uchun jihozlarning qismlarini kuzatmoqda. Ayni damda Reytmanda kuniga 25 ta niqob chiqaradigan 5 ta printer bor. Kaliforniya, AQSh. 2020-yil, 30-mart.Foto: AP Photo / Getty Images
“Panama birdamlik rejasi” harakati a’zolari kam ta’minlangan oilalarga yordam tariqasida oziq-ovqat mahsulotlari to‘ldirilgan qopchalarni pikapga ortmoqda. Marakana stadioni, Panam-Siti, Panama. 2020-yil, 1-aprel.Foto: AP Photo / Getty Images
Ukraina Pravoslav cherkovining ruhoniysi qo‘l uchun dezinfeksiya vositalarini idishlarga joylamoqda. Ruhoniylar va talabalar ushbu vositalarni ishlab chiqarib, keksalar hamda muhtojlarga tarqatishmoqda. Vidubich, Kiyev, Ukraina.Foto: Reuters
Instruktor volontyorlarga koronavirus bo‘yicha aholi o‘rtasida axborot tarqatish oldidan murojaat qilmoqda. Sane, Yaman. 2020-yil, 28-mart.Foto: Reuters
Pitsseriya egasi Milan Varga “o‘zini yakkalab” yashayotgan insonlarga bepul pitssa tarqatmoqda. Budapesht, Vengriya. 2020-yil, 23-mart.Foto: Reuters
Kortni Tornton Capital Area Food Bank oziq-ovqat bankida volontyorlik qilmoqda. Pandemiya vaqtida oziq-ovqatga talab ortgani sababli banklar ishchi kuchi va xayriyaga muhtojlik sezmoqda. Vashington, Kolumbiya okrugi, AQSh. 2020-yil, 1-aprel.Foto: AP Photo / Getty Images
Xayriya qilish yoki bepul ovqat olish uchun osib qo‘yilgan savatdan mahsulot olayotgan erkak. Savatdagi yozuv: “Kim bera olsa qo‘ysin, qo‘ya olmasa olsin”. Neapol, Italiya. 2020-yil, 30-mart.Foto: Reuters
Volontyorlar karantinda o‘tirgan keksalar uchun mahsulotlar xarid qilishmoqda. Moskva, Rossiya. 2020-yil, 27-mart.Foto: AP Photo / Getty Images
Odamlar violonchel chalib, bepul konsert berayotgan Jodi Benderning kuylarini masofa saqlagan holda tinglamoqda. Maunt-Reynir, Merilend, Vashington, Kolumbiya okrugi. 2020-yil, 30-mart.Foto: AP Photo / Getty Images
Volontyor mahsulot to‘ldirilgan sumkani keksa ayolga topshirmoqda. Shahar ma’muriyati koronavirus infeksiyasining tarqalishini oldini olish maqsadida kam ta’minlangan oilalar va odamlarga oziq-ovqat mahsulotlarini yetkazib berish tashabbusini ko‘tarib chiqqan. Tbilisi, Gruziya. 2020-yil, 18-mart.Foto: Reuters
Volontyor COVID-19 infeksiyasi tarqalishining oldini olish ishlari doirasida Taman Sari saroyini dezinfeksiya qilmoqda. Yogyakarta, Indoneziya. 2020-yil, 31-mart.Foto: Getty Images
Bonus.
O‘zbekiston yoshlar ittifoqining 100dan ortiq volontyorlari O‘zbekiston Respublikasi Mahalla va oilani qo‘llab-quvvatlash vazirligi huzuridagi Xayriyalarni muvofiqlashtirish markazida jarayonga ko‘maklashmoqda.Foto: Kirill Altman
Izoh (0)