Ekspert-virusologlar, shuningdek, sog‘liqni saqlash va avtomobil sohasidagi mutaxassislar mashina boshqarish vaqtida koronavirusni yuqtirib olmaslik bo‘yicha bir qator maslahatlar berdi, deb xabar qiladi “Avtorambler”.
1. Kamroq joyga tashrif buyurish. Yo‘nalish davomida yoki turargohlarda boshqa insonlar bilan o‘rnatilgan aloqa vaqtida infeksiyani yuqtirib olish ehtimoli yo‘q emas;
2. Yoqilg‘i quyish shoxobchalaridagi pistoletdan foydalanishga ehtiyot bo‘lish kerak — bu virus saqlanadigan “iflos” joylardan biri hisoblanadi. Yoqilg‘i quyish shoxobchasida xodimlar bo‘lmagani sabab mustaqil quyishga to‘g‘ri kelib qolsa, ishni bajarib bo‘lgandan so‘ng, albatta, qo‘lni yuvish kerak. Shu sababli avtomobilda doim suv va sovun, shuningdek, dezinfeksiyalovchi salfetka olib yurish lozim;
3. Maxsus dezinfeksiyalovchi vositalar bilan qo‘lni tez-tez artib yoki yuvib turishdan uyalmaslik kerak. Bundan tashqari, yuz va ko‘zga imkon qadar umuman teginmaslik tavsiya etiladi;
4. Yo‘lovchilar sonini cheklash lozim. Bunga alohida izoh berib o‘tirish ham shart;5. Salon ichidagi ko‘p qo‘l tegadigan yuzalarni dezinfeksiyalovchi vositalar va salfetkalar bilan artib turish kerak. Masalan bular orasida rul, uzatmalar qutisini boshqaruvchi selektor, tirsakqo‘ygich, magnitola, rul ortidagi tutqichlar va xavfsizlik kamari kiradi. Har ehtimolga qarshi qurilmalar panelini ham artib turish tavsiya etiladi;
6. Qo‘lga ilingan narsani mashinada tashimaslik kerak. Har ehtimolga qarshi qo‘lda nima borligini, kimdan olingani va qayerga qo‘yish kerakligini — salon yoki yukxonaga — hisobga olish lozim. Imkoni bo‘lsa, har bir yukni dezinfeksiyalash kerak. Yuk yetkazib berilganidan so‘ng u turgan joyni ham yaxshilab artib tashlash zarur. Bu ortiqcha harakatdek tuyulishi mumkin, biroq hozir o‘zni ehtiyot qilish va gigiyenaga qat’iy rioya qilish vaqti;
7. Har safar biror joyga borishdan oldin salonni shamollatish darkor;
8. Avtomobilda haydovchidan boshqa odam bo‘lsa, yuqorida sanab o‘tilgan ishlarni u ham bajarishi kerak;9. Karshering (qisqa muddatga avtomobil ijarasi)dan foydalangan odam doimo gigiyena qoidalariga rioya qilishi kerak, chunki mashinani bunga qadar kim boshqargani va unda koronavirus bo‘lgan yoki bo‘lmaganligi noma’lum.
Izoh (0)