Fransiyaning “Lans” klubi sobiq darvozaboni va bosh murabbiyi Arnold Sovinski 89 yoshida koronavirus natijasida vafot etdi, deya xabar qilmoqda Ouest France.
“Lans” Arnold Sovinskining vafot etganini eshitib, chuqur qayg‘uga botdi. Shaxtyor, o‘yinchi, murabbiy, muxlis, u “qizil-sariqlar” ruhini jonlantirib berardi. Uning oila a’zolari va yaqinlariga hamdardlik bildiramiz”, — deyiladi “Lans” bayonotida.
Sovinski 1952—1966-yillar mobaynida “Lans” darvozasini qo‘riqlagan va 126 o‘yinda ishtirok etgan. Keyin u 1969—1978, 1979—1981 va 1988—1989-yillarda jamoa bosh murabbiyi sifatida ishladi. Uning qo‘l ostida jamoa 400 ortiq o‘yin o‘tkazib, 1975-yilda Fransiya Kubogi finaliga qadar yetib bordi.
Mavzuga doir:
- “Marsel” futbol klubi sobiq prezidenti koronavirusdan vafot etdi
- “Real”ning afsonaviy himoyachisi Benito vafot etdi
- Fotih Terim koronavirusni yengib o‘tdi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)