Habib Nurmagomedov navbatdagi jangini avgust yoki sentabrda o‘tkazishi ma’lum qilindi

Yengil vazn toifasida UFC chempioni Habib Nurmagomedov oktagonga qaytishi ehtimoliy sanalarini ma’lum qildi.

“UFC avgustda San-Fransiskoda musobaqa o‘tkazishi haqida gap bo‘lgandi, Ramazondan keyin. Yaxshi sana, biroq bu balo (koronavirus) qachon ketishini bilmaymiz. Shuningdek, sentabr o‘rtasida Abu-Dabidagi UFC kechasi haqida ham gap borgandi.

Aprel-may oylari oson bo‘lmaydi. Bu qachon tugashini hech kim bilmaydi. Biroq men mashg‘ulotlarni to‘xtatmayman, har kuni shug‘ullanaman. Oilam? Otam bilan hammasi joyida, oilamdaligar ham sog‘-salomat”, — deydi Nurmagomedov Instagram’dagi jonli efirda.

Avvalroq Habib 18-aprel kuniga belgilangan Toni Fergyusonga qarshi jangda ishtirok eta olmasligini ma’lum qilgandi.