Tranpsort vazirligi 30-mart soat 06:00 dan boshlab, viloyatlar markazi, Toshkent va Nukus shahrida ahamiyati yuqori bo‘lmagan hamda shaxsiy avtomobillar harakatiga nisbatan joriy qilingan cheklov yuk mashinalar va qishloq xo‘jaligi texnika vositalariga nisbatan tatbiq etilmasligini ma’lum qilgan.
Foto: “Daryo”
Transport vazirligi matbuot kotibi Navro‘z Ashurmatov 30-mart kuni AOKA huzurida tashkil etilgan shtabdagi brifingda avtomobil harakati cheklanishi qishloq xo‘jaligida foydalaniladigan texnika vositalari, shuningdek, yuk mashinalari egalariga tatbiq etilmasligini bildirdi.
Ashurmatovga ko‘ra, agrotexnika vositalari va yuk mashinalari harakatiga cheklov yo‘q. Ular karantindagi Toshkent shahriga kirish va chiqish imkoniyatiga ega. Bunday transport vositalari uchun alohida yo‘laklar joriy qilingan.
Cheklov velosiped, skuter va mototransport haydovchilariga ham taalluqli emas.
