“Arsenal” klubi yarim himoyachisi Mesut O‘zilning birinchi farzandi dunyoga keldi. Bu haqda futbolchi Twitter’dagi sahifasi orqali ma’lum qildi.

Foto: Google Images

“Shukrlar bo‘lsin, qizimiz Eda sog‘lom dunyoga keldi”, — deya yozadi Mesut.

Bu 31 yoshli futbolchi oilasidagi ilk farzand hisoblanadi. O‘zilning rafiqasi Amine Gulshe Turkiya go‘zali—2014 g‘olibi hisoblanadi.

Joriy mavsum O‘zil “Arsenal” safida 23 o‘yin o‘tkazib, bir gol va uchta samarali uzatmaga mualliflik qildi. Uning londonliklar bilan amaldagi shartnomasi 2021-yilga qadar mo‘ljallangan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!