Andijonda tibbiy kuzatuvga olingan 1735 nafar fuqaro xonadoniga maxsus belgi yopishtirilib, ularning karantinda ekanligiga ishora qilinmoqda, deya xabar beradi “Daryo” muxbiri Umidjon Mamarasulov.
Andijon IIB axborot xizmatining aniqlik kiritishicha, mazkur tadbir viloyat aholisining hayoti va sog‘ligini muhofaza qilish maqsadida o‘tkazilmoqda.
“Karantin davrida namunali jamoat tartibini saqlash, fuqarolar tinchligi va osoyishtaligini hamda xavfsizligini ta’minlash, sog‘lom turmush tarzini tatbiq qilish maqsadida huquqni muhofaza qiluvchi organlar ham faol ishtirok etmoqda”, — deyiladi IIB axborotida.
Andijon IIB huquqbuzarliklar profilaktikasi boshqarmasi tashabbusi bilan fuqarolar xonadoniga yopishtirilayotgan e’lonlar “Karantin qoidalariga amal qiling!” degan yozuv bilan boshlanib, tozalikka rioya qilish, karantin qoidalarini buzish oqibatlari haqida so‘z boradi.
Eslatib o‘tamiz, Sog‘liqni saqlash vazirligi koronavirus infeksiyasi bilan kasallanganlar soni 158 nafarga yetganini xabar qildi.
Izoh (0)