28-mart, shanba kuni, Namangan viloyati Norin tumanida yashovchi 36 yoshli J.M. karantinga olingan bo‘lsa-da, karantin joyini o‘zboshimchalik bilan tashlab ketganligi aniqlandi.

IIV matbuot xizmatining ma’lum qilishicha, fuqaro Ma’muriy javobgarlik to‘g‘risidagi kodeksning 54-moddasi (epidemiyalarga qarshi kurash qoidalarini buzish)ga ko‘ra, ma’muriy javobgarlikka tortildi.

Ushbu moddada belgilangan harakatlarni sodir etiganlik uchun bazaviy hisoblash miqdorining 5 baravarigacha (27-mart holatiga ko‘ra, 1 million 115 ming so‘m) miqdorda jarima solishga sabab bo‘ladi.

Avvalroq Qashqadaryoda karantin qoidalarini buzgan ikki choyxonachi va bir “qochoq” jarimaga tortilgani, karantindan qochgan buxorolikka nisbatan jinoyat ishi qo‘zg‘atilgani xabar berilgan edi.