“Korzinka.uz” supermarketlar tarmog‘i rahbariyati tomonidan ushbu supermarketlar joylashgan mahallalarda istiqomat qiluvchi kam ta’minlangan oilalarga moddiy yordam ko‘rsatish qarori qabul qilindi. Korxonaning marketing bo‘yicha direktori Malik Karimovning aytishicha, tez fursat ichida har bir oila uchun 1000 qutidan ko‘proq mahsulotlar to‘plami jamlanishi boshlandi.

Foto: Telegram / “Na begu, no doma”

“So‘nggi 15 yil ichida men turli tashkilotlarda ishladim, lekin hech bir korxonada Korzinka’dagi kabi korporativ madaniyat guvohi bo‘lmagandim. Hamkasblarimning o‘z ishiga sadoqatiga, korxona va uning qadriyatlariga bo‘lgan ishonchini, qiyinchiliklarni birga yengish, yechimlar ustida ishlashini ko‘rib, hayratimni yashira olmayman”, — deydi u o‘zining Telegram-kanalida.

Foto: Telegram / “Na begu, no doma”

Malik Karimovning ta’kidlashicha, bu boradagi ish kecha-yu kunduz qaynamoqda. Xodimlar va volontyorlar iloji boricha tezroq ushbu mahsulotlarni yig‘ish va o‘z manziliga eltib berish ustida ishlamoqda. “Shunday ajoyib jamoaning a’zosi ekanligimdan baxtliman”, — deya so‘zlarini yakunlagan u.

Foto: Telegram / “Na begu, no doma”

Foto: Telegram / “Na begu, no doma”

Foto: Telegram / “Na begu, no doma”