O‘zbekiston Respublikasi Oliy Majlisi Qonunchilik palatasining 27-martdagi ishchi yig‘ilishi ilk bora videokonferensaloqa tarzida o‘tkazildi. Bu haqda Oliy Majlis quyi palatasining axborot xizmati xabar bergan.
Xabarga ko‘ra ushbu majlisni masofadan tashkillashtirish uchun texnik imkoniyatlar yetarli darajada bo‘lgan.
Deputatlar ishchi majlisi davomida Prezidentning xalqqa koronavirus pandemiyasiga qarshi kurash borasida yo‘llagan murojaatini va bu borada Qonunchilik palatasi vakillarining zimmasidagi vazifalar xususida fikr almashgan, deyiladi xabarda.
Avval Oliy Majlis Senatining navbatdagi yalpi majlisi ham karantin sabab videokonferensaloqa tarzida o‘tkazilgandi.
Izoh (0)