Italiyaning Budelli orolida yolg‘izlikda 30 yildan ortiqroq yashagan Mauro Morandi koronavirus sabab o‘zini o‘zi izolyatsiyalashning oson yo‘lini o‘rgatdi. Italiyalik erkak yolg‘iz qolishga qo‘rqmaslik va kitob o‘qishni tavsiya qilgan, deb xabar beradi CNN.

Foto: CNN

81 yoshli erkak Sardiniyada joylashgan orolning nazoratchisi. Uni 1989-yili Milandagi kompaniya yollagan. 14 oldin kompaniya moliyaviy qiyinchiliklar sabab unga maosh to‘lay olmagan, biroq erkak yolg‘izlikda yashashni davom ettirgan.

Mahalliy OAV uni italiyalik Robinzon Kruzo deb ataydi. Morandi izolyatsiyada bo‘lishiga qaramay yangiliklarni kuzatib boradi va koronavirus pandemiyasidan xabardor.

U orolda o‘zini mutlaq xavfsizlikda his qiladi. “Bu yerga hech kim suzib kelmaydi. Hatto uzoqda ham biror kema ko‘rinmaydi”, — deydi italiyalik.

Shu bilan birga, u yaqinlari va do‘stlari Modena shahrida yashashini va Morandi ulardan xavotirda ekanligini ma’lum qilgan.

Morandining aytishicha, u doim biror yumush bilan shug‘ullanib yuradi. Zerikadigan bo‘lsa, orolni suratga tushiradi va kadrlarni 40 mingdan ortiq obunachisi bo‘lgan Instagram’dagi sahifasiga joylaydi.

Foto: Instagram / Maurodabudelli

Foto: Instagram / Maurodabudelli

Uning ta’kidlashicha, karantin — o‘zni anglash uchun ajoyib imkoniyat.

Italiyalik ko‘proq kitob o‘qish va yolg‘izlikda qolishni maslahat beradi. Morandining fikricha, karantin sabab odamlarda o‘z hayotini tahlil qilish va uni yanada yaxshilash imkoniyati paydo bo‘ladi.

Foto: Instagram / Maurodabudelli

Foto: Instagram / Maurodabudelli