Angliyaning Kent grafligi Kenterberi shahridagi do‘konda uxlab yotgan o‘g‘ri qo‘lga tushdi, deb xabar berdi Daily Star.

Foto: Daily Star

Do‘kon yonidan o‘tib ketayotgan erkak eshiklar sinib yotganini ko‘rib, politsiyaga qo‘ng‘iroq qilgan. Voqea joyiga yetib kelgan politsiyachilar do‘kon ichida 26 yoshli uysiz Uilyam Uilletning uxlab yotganini ko‘rgan. Uning yonida esa pichoq va o‘g‘irlangan narsalar solingan sumka turardi. Do‘konda Uilyamga tegishli yana bir sumka topilgan, uning ichida turli tumanlardagi avtomobillar ichidan o‘g‘irlangan planshet, navigator va mobil telefonlar bor edi.

17-mart kuni Uillett sudda o‘zi sodir etgan bir nechta jinoyatlarga iqror bo‘ldi hamda 2 yil-u 4 oyga ozodlikdan mahrum etildi.