Toshkent viloyati IIBB koronavirusga qarshi olib borilayotgan chora-tadbirlar doirasida Bo‘stonliq tumanida transport vositalari harakati vaqtincha cheklanganligini va dam olish maskanlarida dezinfeksiyalash ishlari boshlanganligini xabar qildi.

Foto: “Daryo”

Toshkent viloyati IIBB barcha fuqarolardan maxsus profilaktik tadbirlar tugaguniga qadar Bo‘stonliq tumaniga bormaslikni hamda yuzaga kelgan vaziyatni to‘g‘ri baholashni so‘ragan.

Bo‘stonliq tumani hududida harakatlanishga faqatgina shu joyda ro‘yxatda turuvchi mahalliy aholiga ruxsat etiladi, deyiladi xabarda.

Avvalroq Toshkent viloyatida koronavirus aniqlangan fuqarolar soni 9 nafarni tashkil etgani, shuningdek, viloyatdagi barcha buyum bozorlari faoliyati vaqtincha to‘xtatilishi, poytaxt Toshkent shahri esa 24-mart kuni soat 00:01 dan boshlab yopilishi haqida xabarlar berilgandi.